19 yaşadək futbolçulardan ibarət Azərbaycan millisinin heyəti açıqlanıb. Sportnet.az-ın məlumatına görə, Avropa çempionatının ilkin seçmə mərhələsində iştirak edəcək yığmamızın baş məşqçisi Nikolay Adam 21 futbolçuya dəvət göndərib.
Futbolçularımız turnir öncəsi noyabrın 3-dən-5-dək Makedoniyanın Skopye şəhərində təlim-məşq toplanışında olacaq. Millimiz hazırlığın son günü bu ölkənin U-19 yığması ilə qarşılaşacaq.
Noyabrın 6-dan-15-dək Macarıstanın Budapeşt şəhərində təlim-məşq toplanışı keçirəcək heyətdə ölkə xaricində çıxış edən 3 oyunçu da yer alıb: Ağaseyid Qasımov ("Qarabağ”), Nurlan Quluzadə, Fəhmin Muradbəyli, Mirkamil Həşimli (hamısı "Neftçi”), Təyyar Məmmədov, Mahir Mədətov, Renat Ağaverdiyev, Yusup Xakimov, Əfsər Məmmədov (hamısı "Bakı”), İlyas Səfərzadə, Elnur Cəfərov (hər ikisi "Xəzər Lənkəran”), Emin Zamanov, Bəhlul Mustafazadə, Yusif Nəbiyev (hamısı "Qəbələ”), Budaq Nəsirov ("Araz-Naxçıvan”), Elnur Süleymanov, Mənsur Nahavəndi (hər ikisi "İnter”), Fərid Kərimzadə ("Sumqayıt”), Vadim Ağarəhimov ("Zenit”, Sankt-Peterburq, Rusiya), Benhur Kama ("Hannover”, Almaniya), Tolqa Şahin ("Kayzerslautern, Almaniya).
Qeyd edək ki, komandamız seçmə oyunları çərçivəsində noyabrın 10-da Macarıstan, 12-də Slovakiya, 15-də isə Sloveniya ilə qarşılaşacaq.
