"Oyunumuz pis alınmadı. Əsas odur ki, qalib gəldik".
Sportnet.az-ın məlumatına görə, bunu "Neftçi"nin futbolçusu Baqali Dabo evdə "Sabah"a 3:0 hesabı ilə qalib gəldikləri Azərbaycan Premyer Liqasının XIX tur matçından sonra klubun rəsmi saytına açıqlamasında deyib.
Fransalı hücumçu bu dəfə az səhv etdiklərini bildirib: "Bütün komanda yaxşı oynayanda, bu, nəticəyə də öz təsirini göstərir. "Səbail”ə qarşı da belə oynamışdıq, sadəcə, bu dəfə səhvlərimiz az idi”.
Qeyd edək ki, Baqali Dabo "Sabah"la görüşdə 3-cü qolun müəllifi olub. O, hazırda 9 qolla Premyer Liqanın bombardiridir.
