Şotlandiya Futbol Assosiasiyasının İntizam Komitəsi "Seltik"in futbolçusu Aleksandr Tonevi 7 oyunluq cəzalandırıb. Sportnet.az-ın klubun rəsmi saytına istinadən məlumatına görə, buna bolqarıstanlı yarımmüdafiəçinin irqçi davranışı səbəb olub.
İnsident sentyabrın 13-də Qlazqoda "Aberdin"lə keçirilən ölkə çempionatı matçında baş verib. "Seltik"in 2:1 hesabı ilə qalib gəldiyi görüş zamanı 24 yaşlı futbolçu rəqib müdafiəçi Şey Loqanı təhqirlərə məruz qoyub.
Qeyd edək ki, "Seltik" qərardan şikayət edəcəyini açıqlayıb. Aleksandr Tonev hazırkı klubunun heyətində 8 oyuna 1 qol vurub.
