İspaniya "Barselona"sı tarixinin ən yaxşı qolu müəyyənləşib.
Sportnet.az-ın məlumatına görə, klubun rəsmi saytı vasitəsilə aparılan sorğu nəticəsində finala Lionel Messinin 3, Serxi Robertonun 1 qolu çıxıb. Yekunda argentinalı hücumçunun 2007-ci ildə "Xetafe"nin qapısından keçirdiyi top 45 faiz səslə ən yaxşı qol sayılıb. Sonrakı iki yeri onun 2015-ci il İspaniya Kubokunun finalında "Atletik"ə (28 faiz) və 2011-ci il Çempionlar Liqasının yarımfinalında "Real Madrid"ə (16 faiz) vurduğu qollar tutub. Dördüncü yerə isə Serxi Robertonun 2017-ci il Çempionlar Liqasının 1/8 final mərhələsinin cavab görüşündə Fransa PSJ-sini məyus etdiyi zərbəsi (11 faiz) layiq görülüb.
Qeyd edək ki, klubdan mükafatı qəbul edən Lionel Messi azarkeşlərə ona səs verdikləri üçün minnətdarlığını bildirib. "Barselona" saytındakı səsvermədə yarım milyondan çox insan iştirak edib.
Y el mejor gol de la historia del Barça es...???????????? pic.twitter.com/jhMqJy8Lcb
— FC Barcelona (@FCBarcelona_es) 28 марта 2019 г.
