İspaniyanın "Real Madrid" komandası Zinəddin Zidanın baş məşqçi postuna qayıdışından sonra ilk məğlubiyyətlə üzləşib.
Sportnet.az-ın məlumatına görə, "kral klubu" La Liqanın XXX turunda səfərdə "Valensiya"ya uduzub - 1:2. "Mestalya" stadionunda keçirilmiş qarşılaşmada hesabı 35-ci dəqiqədə Qonsalu Quedeş açıb. 83-cü dəqiqədə Esekyel Qaray fərqi artırıb. Qonaqların təsəlli qoluna isə 90+3-cü dəqiqədə Kərim Benzema imza atıb.
Bu qələbədən sonra xallarını 46-a çatdıran "Valensiya" 5-ci pilləyə yüksəlib. 57 xala malik "Real Madrid" isə 3-cü pillədə qalıb. Turnir cədvəlinə 70 xalla "Barselona" başçılıq edir. 62 xalı olan "Atletiko" isə 2-ci yerdə gedir.
