UEFA Çempionlar Liqasında qrup mərhələsinə start verilib.
Sportnet.az-ın məlumatına görə, ilk oyun günündə 4 qrupda 8 qarşılaşma keçiriləcək. Turnirin son qalibi İngiltərə "Liverpul"u İtaliyada "Napoli" ilə üz-üzə gəlib. Görüş meydan sahiblərinin son dəqiqələrdə vurduğu qollar sayəsində inamlı qələbəsi ilə yekunlaşıb. Qrupun digər matçında Avstriya "Zaltsburq"u Belçika "Genk"ini darmadağın edib. Qollardan 3-nü Erlinq Holand vurub.
Günün maraqlı gözlənilən qarşılaşmasında İspaniya "Barselona"sı Almaniyada "Borussiya"nın (Dortmund) komandası ilə qolsuz heç-heçə edib. F qrupunun digər matçında İtaliya "İnter"i Çexiya "Slaviya"sına məğlubiyyətdən uzatma dəqiqələrində qurtulub.
G qrupunun "Lion" (Fransa) - "Zenit" (Rusiya) matçında da bərabərlik qeydə alınıb. "Benfika" isə Portuqaliyada Almaniya "Leyptsiq"inə uduzub.
Nəhayət, H qrupunda Avropa Liqasının qalibi "Çelsi" İngiltərədə İspaniya "Valensiya"sına uduzub, "Ayaks" isə Hollandiyada Fransa "Lill"ini darmadağın edib.
Çempionlar Liqası
Qrup mərhələsi, I tur
E qrupu
23:00. "Napoli" (İtaliya) - "Liverpul" (İngiltərə) - 2:0
Qollar: Dris Mertens, 82 (pen.). Fernando Lyorente, 90+2
23:00. "Zaltsburq" (Avstriya) - "Genk" (Belçika) - 6:2
Qollar: Erlinq Holand, 2; 34; 45. Hi-Çan Hvanq, 36. Dominik Soboslay, 45+2. Andreas Ulker, 66 - Con Lukumi, 40. Albi Mbvana Samatta, 52
F qrupu
20:55. "İnter" (İtaliya) - Slaviya" (Praqa, Çexiya) - 1:1
Qollar: Nikolo Barella, 90+2 - Peter Olayinka, 64
23:00. "Borussiya" (Dortmund, Almaniya) - "Barselona" (İspaniya) - 0:0
G qrupu
20:55. "Lion" (Fransa) - "Zenit" (Rusiya) - 1:1
Qollar: Memfis Depay, 50 (penalti ilə) - Sərdar Azmun, 41
23:00. "Benfika" (Portuqaliya) - "Leyptsiq" (Almaniya) - 1:2
Qollar: Haris Seferoviç, 84 - Timo Verner, 69; 78
H qrupu
23:00. "Ayaks" (Hollandiya) - "Lill" (Fransa) - 3:0
Qollar: Kvinsi Promes, 18. Edson Alvares, 50. Nikolas Talyafiko, 66
23:00. "Çelsi" (İngiltərə) - "Valensiya" (İspaniya) - 0:1
Qol: Rodriqo, 74.
