“Sumqayıt” Futbol Klubunun nəzdində fəaliyyət göstərən “Sumqayıt” Futzal Məktəbi yay tətilinin ardından məşqlərə start verir.
Sportnet.az xəbər verir ki, 10-14 yaş arası futzalçılar arasında keçiriləcək məşq və seleksiya toplanışları hər həftənin 1, 3 və 5-ci günləri Sumqayıt Olimpiya İdman Kompleksində saat 18:00-19:30 arasında keçiriləcək. “Sumqayıt” Futzal Məktəbinə Baba Əsgərov rəhbərlik edir.
Qeyd edək ki, Premyer Liqa komandaları arasında ilk futzal məktəbi ötən il məhz “Sumqayıt” Futbol Klubu tərəfindən yaradılıb.
