Futzxal üzrə Azərbaycan milli komandası dünya çempionatının elit-raundunda son oyununu keçirib.
Sportnet.az-ın məlumatına görə, Joze Alesio Da Silvanın baş məşqçi olduğu kollektiv Slovakiya yığması ilə üz-üzə gəlib. Xorvatiyanın Osiek şəhərindəki "Gradski vrt Arena"da təşkil olunmuş qarşılaşmada qalib müəyyənləşməyib - 3:3.
Bununla da Azərbaycan millisi C qrupunda mübarizəni 4 xalla başa vurub. Slovakiya isə 1 xalla sonuncu olub.
Qrupda ilk 2 yerin taleyi isə Rusiya - Xorvatiya matçında həll olunub. Rusiya 4:3 hesablı qələbə qazanaraq, qrup qalibi olub və 12 sentyabr - 4 oktyabrda Litvada keçiriləcək dünya çempionatına vəsiqə qazanıb. Xorvatiya qrup ikincisi kimi mübarizəni "pley-off"da davam etdirəcək. Azərbaycan və Slovakiya isə mübarizəni dayandırıb.
--------------------------
Xorvatiyanın Osiek şəhərindəki futzal üzrə DÇ-2020-nin elit-raund mərhələsində bu gün son turun oyunları keçiriləcək.
Sportnet.az-ın məlumatına görə, Azərbaycan milli komandası Slovakiya yığması ilə qarşılaşacaq. Oyun Bakı vaxtı ilə saat 20:00-da başlayacaq.
Rusiya üzərində qələbə qazanmaqla aktivinə ilk 3 xalı yazdıran Joze Alesio da Silvanın rəhbərlik etdiyi kollektiv qrupdan çıxmaq şansını saxlayır. Bunun üçün Azərbaycan millisi slovakiyalılara qalib gəlməli, qrupun digər matçında isə Rusiya Xorvatiya ilə görüşdə xal itirməlidir. Şimal qonşular uduzacağı təqdirdə, millini bugünkü qarşılaşmada heç-heçə də qane edəcək. Son tur oyunlarının ardından azı 2 və ya 3 yığmanın xalı eyni olarsa, reqlamentə əsasən komandaların öz aralarındakı oyunların nəticələri əsas götürüləcək.
Qrup qalibləri birbaşa final mərhələsinə vəsiqə qazanacağı təqdirdə, ikincilər "pley-off" oyunlarında rəqiblərinə qalib gələrək bu hüquqa yiyələnəcəklər.
Qeyd edək ki, geridə qalan 2 turdan sonra Xorvatiya 6 xalla 1-ci, Azərbaycan və Rusiya yığmaları hərəyə 3 xalla müvafiq olaraq 2 və 3-cü, xalsız olan Slovakiya millisi isə sonuncu pillədə qərarlaşıb.
DÇ-2020, elit raund
20:00. Slovakiya - Azərbaycan - 3:3
Qollar: Marian Hudek, 9. Matuş Şevçik, 31. Matuş Kiyovski, 40 - Rafael Vilela, 17. Matuş Kiyovski, 29 (öz qapısına). Bolinya, 40
Hakimlər: Ancelo Qalante, Kyara Perona və Nikola Mantsione (hamısı İtaliya)
Osiek (Xorvatiya), "Gradski vrt Arena"
23:00. Rusiya - Xorvatiya - 4:3
Hakimlər: Alessandro Malfer, Nikola Mantsione, Kyara Perona (hamısı İtaliya)
Xal durumu: Rusiya - 6, Xorvatiya - 6, AZƏRBAYCAN - 4, Slovakiya - 1.
