Azərbaycan Premyer Liqasının cari mövsümündə “Qəbələ”nin qapısına üç penalti təyin olunub. Sportnet.az klubun rəsmi saytına istinadən xəbər verir ki, Anar Nəzirov 2, Tərlan Əhmədli isə 1 belə zərbədən sonra qapısından qol buraxıb.
Ümumilikdə, “qırmızı-qaralar” tarixində 52 dəfə əyalət komandasının qapısına 11 metrlik cərimə zərbəsi vurulub. Bunlardan 44-ü qolla nəticələnib. Zərbələrin 15 faizi, yəni 8-i qolla nəticələnməyib.
Bu göstəricidə Pavel Doroşev rekordçudur. Onun qoruduğu “çərçivə”yə təyin edilən 9 penaltidən 3-ü qolla başa çatmayıb.
Kamran Ağayevin aktivində iki belə zərbə var. Daha üç qapıçı penaltinin qola çevrilməməsinin sevincini yaşayıb. Bunlar Dmitri Bezotosnı, Dieqo Kosta və Xəyal Zeynalovdur.
Qeyd edək ki, 11 qolkiperin qoruduğu qapıya penalti təyin olunub.
“Qəbələ”nin qapıçılarının penalti göstəriciləri
1. Pavel Doroşev – 9 penalti (3-ü qolla nəticələnməyib)
2. Kamran Ağayev - 7 (2)
3-5. Dmitri Bezotosnı - 15 (1)
Dieqo Kosta - 3 (1)
Xəyal Zeynalov - 2 (1)
6-11. Anar Nəzirov - 6
Elnar Kərimov - 4
Zurab Mamaladze - 2
David Pietrzkeviç - 2
Aqil Məmmədov - 1
Tərlan Əhmədli - 1
