Əfsanəvi fransalı hücumçu Tyerri Anri karyerasını bitirdiyini açıqlayıb. Sportnet.az-ın məlumatına görə, ulduz futbolçu gələn ildən etibarən İngiltərənin "Sky Sports" telekanalında ekspert kimi çıxış edəcək.
Kanalın rəsmi saytına danışan 37 yaşlı forvard hisslərini dilə gətirib: "Belə möhtəşəm karyera yaşamaqda bəxtim gətirib. İndi isə "Sky Sports"da işə başlamaq üçün tələsirəm. Mən ən yaxşı futbol klublarında çıxış etmişəm. İndi isə fikrimcə, ən yaxşı telekanala qoşulmuşam".
Qeyd edək ki, Tyerri Anri karyerası ərzində "Monako", "Yuventus", "Barselona" və "Nyu-York Red Bullz" kimi klublarda çıxış edib. Ancaq məhşurluğu 8 il ərzində şərəfini qoruduğu London "Arsenal"ında qazanıb.
