Milli komandaların oyunları ilə əlaqədar yaranan fasilə dövründə hazırlıqlarını davam etdirən "Sumqayıt" və “Qəbələ” komandaları arasında yoxlama görüşü keçirib.
Sportnet.az xəbər verir ki, Bakı Olimpiya Stadionunun ehtiyat meydançasında təşkil olunmuş matç "gənclik şəhəri" təmsilçisinin qələbəsi ilə yekunlaşıb - 2:1.
Qarşılıqlı hücumlarla keçən matçda bütün qollar ilk yarıda vurulub. Oyunda hesabı “qırmızı-qaralar” açıb. Rodriqo Qattas fərqlənib. Lakin üstünlüyünü qoruya bilməyən "Qəbələ"ni Camaləddin Xocaniyazov və Cavid İmamverdiyev cəzalandırıb.
Qeyd edək ki, “Qəbələ” daha bir yoxlama oyunu keçirəcək. “Qırmızı-qaralar” oktyabrın 11-də Bakıda “Neftçi” ilə üz-üzə gələcək. "Sumqayıt" isə daha əvvəl "Səbail"ə uduzub - 0:3.
