UEFA Çempionlar Liqasında ilk turun son oyunları keçirilib.
Sportnet.az-ın məlumatına görə, A qrupunda "Zaltsburq" Avstriyada Rusiya "Lokomotiv"inə qalib gələ bilməyib - 2:2. Əvəzində turnirin son qalibi "Bavariya" Almaniyada İspaniya "Atletiko"sunu darmadağın edib - 4:0.
B qrupunda hər iki matçın nəticəsi gözlənilməz olub. "Real Madrid" İspaniyada Ukrayna "Şaxtyor"una 2:3 hesabı ilə uduzub. "İnter" isə İtaliyada Almaniyanın "Borussiya" (Mönhenqladbax) komandasına məğlubiyyətdən son anda qurtulub - 2:2.
C qrupunda "Mançester Siti" İngiltərədə Portuqaliya "Portu"su üzərində inamlı qələbə qazanıb - 3:1. "Olimpiakos" isə Yunanıstanda Fransa "Marsel"inə minimal hesabla qalib gəlib - 1:0.
Nəhayət, D qrupunda "Ayaks" Niderlandda İngiltərə "Liverpul"una avtoqolla uduzub - 0:1. "Midtüllann"ı isə Danimarkada İtaliya "Atalanta"sı darmadağın edib - 4:0.
------------------------
UEFA Çempionlar Liqasında ilk turun növbəti iki oyunu keçirilib.
Sportnet.az-ın məlumatına görə, "Real Madrid" komandası İspaniyada Ukrayna "Şaxtyor"u ilə üz-üzə gəlib. Görüş qonaqların qələbəsi ilə yekunlaşıb - 3:2. Hələ ilk hissədə qapısında 3 qol görən "kral klubu" fasilədən sonra bunların 2-nin əvəzini çıxmağı bacarıb.
Rusiya "Lokomotiv"i isə Avstriyada "Zaltsburq"la matçda 2:2 hesablı heç-heçəyə nail olub.
Qeyd edək ki, gecənin daha 6 görüşü Bakı vaxtı ilə saat 23:00-da başlanacaq.
------------------------
Bu gün UEFA Çempionlar Liqasında qrup mərhələsinin birinci turunun növbəti oyunları keçiriləcək.
Sportnet.az-ın məlumatına görə, ikinci oyun günündə 4 qrupda 8 qarşılaşma baş tutacaq. Turnirin son qalibi "Bavariya" Almaniyada İspaniya "Atletiko"sunu qəbul edəcək. A qrupunun digər matçında Rusiya "Lokomotiv"i Avstriyada "Zaltsburq"un qonağı olacaq.
B qrupunun iddialı komandalarından "Real Madrid" İspaniyada Ukrayna "Şaxtyor"u, "İnter" İtaliyada Almaniyanın “Borussiya” (Mönxenqladbax) klubu ilə üz-üzə gələcək.
Çempionlar Liqası
Qrup mərhələsi, I tur
21 oktyabr
A qrupu
20:55. “Zalstburq” (Avstriya) – “Lokomotiv” (Moskva, Rusiya) - 2:2
Qollar: Dominik Saboslai, 45. Zlatko Yunuzoviç, 50 - Eder, 19. Vitali Lisakoviç, 75
23:00. “Bavariya” (Almaniya) – “Atletiko” (İspaniya) - 4:0
Qollar: Kinqsli Koman, 28; 72. Leon Qoretska, 41. Korenten Tolisso, 66
B qrupu
20:55. “Real Madrid” (İspaniya) – “Şaxtyor” (Donetsk, Ukrayna) - 2:3
Qollar: Luka Modriç, 54. Junior Vinisius, 59 - Tete, 29. Rafael Varan, 33 (öz qapısına). Manor Solomon, 42
23:00. “İnter” (İtaliya) – “Borussiya” (Mönhenqladbax, Almaniya) - 2:2
Qollar: Romelu Lukaku, 49; 90 - Rami Bensebaini, 63 (pen.). Yonas Hofmann, 84
C qrupu
23:00. “Mançester Siti” (İngiltərə) – “Portu” (Portuqaliya) - 3:1
Qollar: Serxio Aqüero, 21 (pen.). İlkay Gündoğan, 65. Ferran Torres, 73 - Luis Dias, 14
23:00. “Olimpiakos” (Yunanıstan) – “Marsel” (Fransa) - 1:0
Qol: Ahmed Hassan, 90+1
D qrupu
23:00. “Ayaks” (Niderland) – “Liverpul” (İngiltərə) - 0:1
Qol: Nikolas Talyafiko, 35 (öz qapısına)
23:00. "Midtüllann” (Danimarka) – “Atalanta” (İtaliya) - 0:4
Qollar: Duvan Zapata, 26. Alexandro Qomes, 36. Luis Muryel, 42. Aleksey Mirançuk, 89
