Bakının "İnter" (hazırkı "Keşlə" - T.Q) klubunun sabiq prezidenti Georgi Nikolov Azərbaycanı qələbə münasibəti ilə təbrik edib.
Sportnet.az-ın məlumatına görə, bolqarıstanlı funksioner bu barədə feysbuk hesabındakı paylaşımında bildirib.
"Qələbən mübarəkdir, Azərbaycan! Xalqınız üçün sülh və firavanlıq arzulayıram!", - deyə Nikolov yazıb.
Qeyd edək ki, Georgi Nikolov 2006 - 2015-ci illərdə "İnter" klubunun prezidenti olub. Onun dövründə paytaxt təmsilçisi iki dəfə (2007/2008, 2009/2010) Azərbaycan çempionu, gümüş (2008/2009) və bürünc (2012/2013) mükafatçı, eyni zamanda Birlik Kubokunun (2011) qalibi olub.
