"Neftçi"nin futbolçusu Anton Krivotsyuk klubdan ayrıla bilər.
Sportnet.az-ın məlumatına görə, ölkə çempionu 23 yaşlı müdafiəçiyə yeni sözləşmə təklif edib.
Azərbaycan millisinin də formasını geyinən oyunçu hələ ki, karyerası ilə bağlı qərar verməyib. "Ağ-qaralar" Krivotsyuku komandada saxlamaq niyyətindədir və hazırda onun qərarını gözləyir.
Ukrayna əsilli oyunçu ilə Polşanın "Visla" (Plotsk) və ölkəsinin bir neçə komandası maraqlanır.
Qeyd edək ki, Anton Krivotsyuk 2017-ci ildən "Neftçi"də çıxış edir. Azərbaycan millisinin də formasını geyinən oyunçu 2020/2021 mövsümündə komanda ilə Premyer Liqanın qalibi olub.
