UEFA Çempionlar Liqasının qrup mərhələsində IV turun daha 6 oyunu keçirilib.
Sportnet.az-ın məlumatına görə, pley-offa ilk 2 vəsiqənin sahibi müəyyənləşib.
E qrupunda Almaniya "Bavariya"sı Portuqaliyada "Benfika"ya qalib gəlib. Xallarını 12-yə çatdıran Münhen təmsilçisi sona 2 tur qalmış qrupdan çıxmağı təmin edib. Bu qrupun digər matçında İspaniya "Barselona"sı Ukraynada Kiyev "Dinamo"sunu çətinliklə məğlub edib.
Pley-offa vaxtından əvvəl yüksələn digər komanda isə İtaliya "Yuventus"u olub. H qrupunda mübarizə aparan Turin təmsilçisi evdə Rusiya "Zenit"i üzərində qələbə qazanaraq, adını növbəti mərhələyə yazdırıb.
Gecənin maraqlı görüşlərindən biri F qrupunda baş tutub. İngiltərənin "Mançester Yunayted" klubu İtaliyada "Atalanta" ilə heç-heçəyə razılaşıb.
--------------------------------------------
UEFA Çempionlar Liqasının qrup mərhələsində IV tura start verilib.
Sportnet.az-ın məlumatına görə, ilk oyun gününə nəzərdə tutulan 8 matçdan 2-si başa çatıb.
G qrupunda Avstriya "Zaltsburq"u Almaniyada "Volfsburq"la qarşılaşıb. Qonaqlar qalib gələcəyi halda pley-offa vəsiqəni vaxtından əvvəl təmin edəcəkdi. Lakin görüş meydan sahiblərinin qələbəsi ilə yekunlaşıb. Bu qrupun digər qarşılaşmasında İspaniya "Sevilya"sı Fransanın "Lill" klubunu qəbul edəcək.
H qrupunda isə İngiltərənin "Çelsi" komandası İsveçdə "Malmö"nü minimal hesabla üstələyib. Yeganə qolu 56-cı dəqiqədə Hakim Ziyeş vurub. Qrupun digər görüşü İtaliyada "Yuventus" və Rusiyanın "Zenit" klubları arasında keçiriləcək.
-----------------------------------------------
Bu gün UEFA Çempionlar Liqasının qrup mərhələsində IV tura start veriləcək.
Sportnet.az-ın məlumatına görə, ilk oyun günündə E, F, G və H qruplarında ümumilikdə 8 qarşılaşma baş tutacaq.
E qrupunda İspaniya "Barselona"sı Ukraynada Kiyev "Dinamo"su ilə qarşılaşacaq. Qrupun lideri "Bavariya" isə Almaniyada Portuqaliya "Benfika"sı ilə münasibətlərinə aydınlıq gətirəcək. Münhen təmsilçisi qələbə qazanacağı təqdirdə, pley-offa vəsiqəni vaxtından əvvəl təmin edəcək.
F qrupunda İngiltərənin "Mançester Yunayted" klubu İtaliyada "Atalanta"nın qonağı olacaq. Bu qrupun digər görüşündə İspaniya "Vilyarreal"ı evdə İsveçrə "Yanq Boyz"u ilə üz-üzə gələcək.
G qrupunda "Volfsburq" Almaniyada Avstriyanın "Zaltsburq", "Sevilya" isə İspaniyada Fransanın "Lill" klubunu sınağa çəkəcək. Səfərdə qazanılacaq mümkün qələbə "Zaltsburq"u növbəti mərhələyə daşıyacaq.
H qrupunda günün ilk matçı İsveçdə "Malmö" və İngiltərənin "Çelsi" komandaları arasında olacaq. Digər oyunda "Yuventus" İtaliyada Rusiyanın "Zenit" kollektivini qəbul edəcək. Turin klubu rəqibinə qalib gələcəyi halda qrupdan çıxmağı təmin edəcək.
UEFA Çempionlar Liqası
Qrup mərhələsi, IV tur
2 noyabr
E qrupu
00:00. "Dinamo" (Kiyev, Ukrayna) - "Barselona" (İspaniya) - 0:1
Qol: Ansu Fati, 70
00:00. "Bavariya" (Almaniya) - "Benfika" (Portuqaliya) - 5:2
Qollar: Robert Levandovski, 26; 61; 84, Serj Qnabri, 32, Leroy Sane, 49 - Morato, 38, Darvin Nunyes, 76
Xal durumu: "Bavariya" - 12, "Barselona" - 6, "Benfika" - 4, "Dinamo" - 1.
F qrupu
00:00. "Vilyarreal" (İspaniya) - "Yanq Boyz" (İsveçrə) - 2:0
Qollar: Etyen Kapu, 36, Arno Qruneveld, 89
00:00. "Atalanta" (İtaliya) - "Mançester Yunayted" (İngiltərə) - 2:2
Qollar: Yosip İliçiç, 12, Duvan Sapata, 56 - Kriştianu Ronaldu, 45+1; 90+1
Xal durumu: "Mançester Yunayted" - 7, "Vilyarreal" - 7, "Atalanta" - 5, "Yanq Boyz" - 3.
G qrupu
21:45. "Volfsburq" (Almaniya) - "Zaltsburq" (Avstriya) - 2:1
Qollar: Bote Baku, 3, Lukas Nmeça, 60 - Maksimilian Vöber, 30
00:00. "Sevilya" (İspaniya) - "Lill" (Fransa) - 1:2
Qollar: Lukas Okampos, 15 - Conatan Devid, 43 (pen.), Conatan İkone, 51
Xal durumu: "Zaltsburq" - 7, "Lill" - 5, "Volfsburq" - 5, "Sevilya" - 3.
H qrupu
21:45. "Malmö" (İsveç) - "Çelsi" (İngiltərə) - 0:1
Qol: Hakim Ziyeş, 56
00:00. "Yuventus" (İtaliya) - "Zenit" (Rusiya) - 4:2
Qollar: Paulo Dibala, 11; 58 (penalti), Federiko Kyeza, 74, Alvaro Morata, 82 - Leonardo Bonuççi, 26 (avtoqol), Sərdar Azmun, 90+2
Xal durumu: "Yuventus" - 12, "Çelsi" - 9, "Zenit" - 3, "Malmö" - 0.
