Azərbaycan Premyer Liqasında XII turun növbəti oyunu keçirilib.
Sportnet.az-ın məlumatına görə, "Kapital Bank Arena"da "Sumqayıt" "Zirə"ni qəbul edib. FIFA referisi Rauf Cabbarovun idarə etdiyi qarşılaşma qonaqların böyük hesablı qələbəsi ilə yekunlaşıb - 3:0.
Hesabı 14-cü dəqiqədə Təmkin Xəlilzadə açıb. O, Höccət Haqverdinin Loris Bronyoya qarşı kobud oyununa görə təyin edilmiş penaltini dəqiq yerinə yetirib.
30-cu dəqiqədə Qismət Alıyev çempionatın 8 qolla ən yaxşı bombardiri Davit Volkovun ötürməsini qola çevirib.
79-cu dəqiqədə isə Coşqun Diniyev uzaqdan dəqiq zərbə ilə matçda son nöqtəni qoyub.
Bu qələbə sayəsində xalını 22-yə çatdıran "Zirə" 2-ci pilləyə yüksəlib. "Sumqayıt" isə 11 xalla 6-cı pillədə qalıb.
Qeyd edək ki, tura noyabrın 27-də start verilib. "Sabah" "Keşlə"ni 2:1, "Neftçi" "Səbail"i 1:0 hesabı ilə yenib. Son qarşılaşma noyabrın 29-da "Qəbələ" və "Qarabağ" komandaları arasında olacaq.
------------------------------
Bu gün futbol üzrə Azərbaycan Premyer Liqasında XII turun daha bir matçı keçiriləcək.
Sportnet.az-ın məlumatına görə, ikinci oyun günündə bir qarşılaşma baş tutacaq,
11 xalla 6-cı sırada gedən "Sumqayıt" 19 xalla 4-cü pillədə qərarlaşan "Zirə"ni qəbul edəcək. Saat 16:00-da başlayacaq görüşü Rauf Cabarov idarə edəcək.
Komandalar indiyədək Premyer Liqada 24 dəfə üz-üzə gəliblər. Bunların 6-da "gənclik şəhəri" təmsilçisi, 11-də paytaxt klubu qələbə qazanıb, 7 matçda heç-heçə qeydə alınıb. Topların fərqində də "qartallar" üstündür - 30:21.
Meydan sahibləri son 4 çempionat oyununda rəqibinə uduzmayıb. Qonaqlar isə son 3 matçda xal qazanmağa müvəffəq olub.
Azərbaycan Premyer Liqası
XII tur
28 noyabr (bazar)
16:00. “Sumqayıt” – “Zirə” - 0:3
Qollar: Təmkin Xəlilzadə, 14 (pen.). Qismət Alıyev, 30. Coşqun Diniyev, 79
Hakimlər: Rauf Cabarov, Cavanşir Yusifov, Nahid Əliyev, Rəvan Həmzəzadə
Hakim-inspektor: Orxan Məmmədov
AFFA nümayəndəsi: Mübariz Hüseynov
"Kapital Bank Arena"
Qeyd edək ki, turun digər oyunlarında "Sabah" "Keşlə"ni 2:1, "Neftçi" "Səbail"i 1:0 hesabı ilə məğlub edib. Tura noyabrın 29-da keçiriləcək "Qəbələ" - "Qarabağ" matçı ilə yekun vurulacaq.
