"Neftçi"nin futbolçusu Yusuf Laval bir neçə klubun maraq dairəsinə düşüb.
Sportnet.az xəbər verir ki, bu barədə "Report"a nigeriyalı yarımmüdafiəçinin agenti Aykut Çuldan deyib.
Lakin o, həmin komandaların adlarını açıqlamayıb: "Lavalın transferi ilə bağlı müəyyən cəhdlər var. Lakin rəsmi təklif olmadığı üçün dəqiq məlumat verə bilmirəm. Sadəcə, onu deyə bilərəm ki, futbolçunu istəyən klublar Avropa təmsilçiləridir".
Qeyd edək ki, Yusuf Lavalın "Neftçi" ilə 2022-ci ilin iyununadək müqaviləsi var. Sözləşmənin müddəti sonradan daha 1 il uzadıla bilər.
