İtaliya "Yuventus"u heyətini iki yeni futbolçu ilə gücləndirib.
Sportnet.az klubun rəsmi saytına istinadən xəbər verir ki, Turin təmsilçisi Almaniyanın "Borussiya" (Dortmund) klubundan yarımmüdafiəçi Denis Zakariyanı, "Frazinone"dən isə müdafiəçi Federiko Qattini transfer edib. Hər iki oyunçu ilə 2026-cı ilin yayınadək müqavilə imzalanıb.
"Qoca sinyora" uelsli futbolçusu Aaron Remzini isə cari mövsümün sonunadək Şotlandiya "Reyncers"inə icarəyə verib. Qlazqo təmsilçisi yayda təcrübəli oyunçunu birədəfəlik heyətinə qata bilər.
Qeyd edək ki, "Yuventus" daha əvvəl Serbiya millisinin və "Fiorentina"nın hücumçusu Duşan Vlahoviçin keçidini gerçəkləşdirib.
