Türkiyənin "Fənərbağça"nın futbolçusu Dirk Kuyt cari mövsümün sonunda "sarı-lacivərtlilər"lə yollarını ayıracaq. Sportnet.az-ın məlumatına görə, bu iddia ilə Hollandiya mətbuatı çıxış edib.
Yayılan xəbərlərdə Kuytun "Feyenoord" ilə anlaşdığı bildirilir: "Hollandiya klubunun baş meneceri Erik Qudde İstanbulda Kuytla görüşüb. Görüş müsbət nəticələnib və 72 saat ərzində rəsmi olaraq bu barədə məlumat veriləcək".
Qeyd edək ki, Dirk Kuyt 2012-ci ildən "Fənərbaxça" forması ilə çıxış edir.
