Futbol üzrə UEFA Konfrans Liqasında 1/8 final mərhələsinin ilk oyunlarına yekun vurulub.
Sportnet.az-ın məlumatına görə, son 4 matçın üçündə meydan sahibləri qalib gəlib, birində isə heç-heçə qeydə alınıb.
Bu raundun diqqət çəkən matçlarından biri Fransada baş tutub. Pley-off mərhələsində "Qarabağ"ı mübarizədən kənarlaşdıran "Marsel" "köhlən atlar"la eyni qrupda yer almış İsveçrə "Bazel"ini qəbul edib. Görüş meydan sahiblərinin 2:1 hesablı qələbəsi ilə yekunlaşıb. Fransa təmsilçisinin heyətində hər 2 qolu Arkadiuş Milik vurub. 19-cu dəqiqədə penaltidən fərqlənən polşalı hücumçu 68-ci dəqiqədə dubl edib. Qonaqların yeganə qoluna isə 80-ci dəqiqədə Sebastyano Espozito imza atıb.
Qeyd edək ki, cavab qarşılaşmaları martın 17-də keçiriləcək.
-------------------------------
UEFA Konfrans Liqasında 1/8 final mərhələsinə start verilib.
Sportnet.az-ın məlumatına görə, 8 qarşlaşmadan dördü artıq başa çatıb.
Turnirin favoritlərindən İtaliya "Roma"sı Niderlandda "Vitess"i minimal hesabla məğlub edib. Niderland "Feyenoord"u Serbiyada "Partizan"ın qapısından 5 top keçirib.
Bundan başqa, Yunanıstan PAOK-u evdə Belçika "Gent"inə, Paraq "Slaviya"sı isə Çexiyada Avstriya LASK-na qalib gəlib.
Bu raundun digər 4 qarşılaşması Bakı vaxtı ilə saat 00:00-da başlayacaq.
---------------------------------
Bu gün UEFA Konfrans Liqasında 1/8 final mərhələsinə start veriləcək.
Sportnet.az-ın məlumatına görə, bütün oyunlar eyni gündə keçiriləcək. Qarşılaşmalar Bakı vaxtı ilə saat 21:45 və 00:00-da başlayacaq.
Bu raundun diqqət çəkən matçlarından biri Fransada baş tutacaq. Pley-off mərhələsində "Qarabağ"ı mübarizədən kənarlaşdıran "Marsel" "köhlən atlar"la eyni qrupda yer almış İsveçrə "Bazel"ini qəbul edəcək.
Bundan başqa, turnirin favoritlərindən İtaliya "Roma"sı Niderlandda "Vitess"in qonağı olacaq, İngiltərə "Lester"i isə evdə Fransanın "Renn" klubunu sınağa çəkəcək.
UEFA Konfrans Liqası
1/8 final, ilk oyunlar
10 mart
21:45. PAOK (Yunanıstan) - "Gent" (Belçika) - 1:0
21:45. "Slaviya" Praqa (Çexiya) - LASK (Avstriya) - 4:1
21:45. "Vitess" (Niderland) - "Roma" (İtaliya) - 0:1
21:45. "Partizan" (Serbiya) - "Feyenoord" (Niderland) - 2:5
00:00. "Marsel" (Fransa) - "Bazel" (İsveçrə) - 2:1
00:00. "Lester" (İngiltərə) - "Renn" (Fransa) - 2:0
00:00. PSV (Niderland) - "Kopenhagen" (Danimarka) - 4:4
00:00. "Budyo Qlimt" (Norveç) - AZ (Niderland) - 2:1
Qeyd edək ki, cavab qarşılaşmaları martın 17-də keçiriləcək.
