"Üstünlüyümüz var idi. Fərqi artıra da bilərdik. Rəqib müdafiədə boşluqlar versə də, yararlana bilmədik. Kuryoz qol buraxmaq yaxşı olmadı".
Sportnet.az-ın məlumatına görə, bunu "Sumqayıt"ın baş məşqçisi Aleksey Baqa səfərdə "Qəbələ" ilə 1:1 hesablı heç-heçə etdikləri Premyer Liqanın XXIII tur matçından sonra deyib.
Belaruslu mütəxəssis bildirib ki, çoxdan gözlədikləri qələbəni qazanmaq üçün ikinci qolu vurmağa gücləri çatmayıb.
O, Cəmaləddin Xocaniyazovun erkən əvəzlənməsinin səbəbini də açıqlayıb: "Əzələsində ağrıları var idi. Zədəlidirsə, meydanda olmamalıdır".
