Misli Premyer Liqasında XII turun daha bir oyunu keçirilib.
Sportnet.az xəbər verir ki, günün ikinci matçında "Neftçi" "Zirə"nin qonağı olub. Qarşılaşma "ağ-qaralar"ın 3:0 hesablı qələbəsi ilə başa çatıb.
Laurentsiu Regekampfın baş məşqçi olduğu komandadan qolları 6-cı dəqiqədə Yeqor Boqomolski, 76-cı dəqiqədə Qodsvey Donyo və 83-cü dəqiqədə Emin Mahmudov vurub.
Bu nəticədən sonra xallarını 25-ə çatdıran "Neftçi" 3-cü pillədəki yerini qoruyub. 19 xalı olan "Zirə" isə 4-cüdür.
Qeyd edək ki, turun əvvəlki oyunlarında "Turan Tovuz" evdə "Sumqayıt"ı 1:0, "Kəpəz" isə "Səbail"i 3:0 hesabı ilə məğlub edib. Tura oktyabrın 30-da keçiriləcək "Şamaxı" - "Qarabağ" və "Sabah" - "Qəbələ" matçları ilə yekun vurulacaq.
------------------------------------------
Misli Premyer Liqasında XII turun daha 1 oyunu keçirilib.
Sportnet.az-ın məlumatına görə, günün ilk matçı Gəncədə yerli "Kəpəz"lə "Səbail" arasında baş tutub.
Oyun meydan sahiblərinin 3:0 hesablı qələbəsi ilə yekunlaşıb. Qolları 36 və 66-cı dəqiqələrdə Abdullahi Şuaybu, 84-cü dəqiqədə isə Fərid Nəbiyev vurub.
Bu nəticədən sonra xallarının sayını 8-ə yüksəldən “Kəpəz” turnir cədvəlinin 8-ci pilləsində qərarlaşıb. 10 xalı olan “Səbail” isə 7-ci sıradadır.
Günün digər matçında 19 xalla 4-cü sırada olan "Zirə" 22 xalla özündən bir pillə yüksəkdə qərarlaşan "Neftçi"ni qəbul edəcək.
------------------------------------------------------
Bu gün futbol üzrə Azərbaycan Premyer Liqasında XII turun daha 2 oyunu keçiriləcək.
Sportnet.az-ın məlumatına görə, günün ilk matçı Gəncədə yerli "Kəpəz"lə "Səbail" arasında baş tutacaq. Hazırda "sarı-göylər" 5 xalla 8-ci, "dənizçilər" isə 10 xalla 7-cidir.
İki komanda indiyədək ölkə çempionatında 5 dəfə qarşılaşıb. Bunların birində bölgə, 3-də paytaxt təmsilçisi qələbə qazanıb. Bir görüş heç-heçə ilə yekunlaşıb. Topların nisbətində də Mahmud Qurbanovun baş məşqçi olduğu komandanın üstünlüyü var - 10:6.
"Səbail" bütün oyunlarda qol vurub. "Kəpəz"in meydanındakı matçlarda hər iki komanda fərqlənib.
Digər matçda isə 19 xalla 4-cü sırada olan "Zirə" 22 xalla özündən bir pillə yüksəkdə qərarlaşan "Neftçi"ni qəbul edəcək.
Bu, komandaların Premyer Liqadakı 28-ci dueli olacaq. Əvvəlki görüşlərin 12-si "qartallar"ın, 8-i "ağ-qaralar"ın xeyrinə başa çatıb. 7 qarşılaşmada qalib müəyyənləşməyib. Top fərqində isə Laurentsiu Regekampfın rəhbərlik etdiyi kollektiv bir addım öndədir - 29:28.
“Zirə” son 5 oyunda qol vurub. “Neftçi” son 6 səfərdən yalnız birində fərqlənə bilib.
Azərbaycan Premyer Liqası
XII tur
29 oktyabr (şənbə)
15:00. "Kəpəz" – "Səbail" - 3:0
Qollar: Abdullahi Şuaybu, 36; 66. Fərid Nəbiyev, 84
Qırmızı vərəqə: Nihad Qurbanlı, 41 ("Səbail")
Hakimlər: Elçin Məsiyev, Elşad Abdullayev, Pərvin Talıbov, Rövşən Rəcəbov
Hakim-inspektor: Ceyhun Haşımov
Gəncə şəhər stadionu.
17:30. "Zirə" – "Neftçi" - 0:3
Qollar: Yeqor Boqomolski, 6. Qodsvey Donyo, 76. Emin Mahmudov, 83
Hakimlər: Əliyar Ağayev, Zeynal Zeynalov, Akif Əmirəli, Əli Əliyev
Hakim-inspektor: Babək Quliyev
Zirə İdman Kompleksinin stadionu.
Qeyd edək ki, açılış oyununda "Turan Tovuz" evdə "Sumqayıt"a 1:0 hesabı ilə qalib gəlib. Tura oktyabrın 30-da keçiriləcək "Şamaxı" - "Qarabağ" və "Sabah" - "Qəbələ" oyunları ilə yekun vurulacaq.
