Almaniya millisi Qətərdə keçirilən dünya çempionatı ilə vidalaşıb.
Sportnet.az-ın məlumatına görə, Bundestim E qrupunun III turunda Kosta Rikanı 4:2 hesabı ilə məğlub etsə də, mübaizəni dayandırıb. Buna qrupun digər matçında Yaponiya yığmasının İspaniyaya 2:1 hesabı ilə qalib gəlməsi səbəb olub.
Bu nəticələrdən sonra Asiya təmsilçisi 6 xalla qrup lideri olub və pley-offa adlayıb. İspaniya 4 xalla ikinci, eyni xala malik Almaniya üçüncü olub. 3 xalı olan Kosta Rika isə qrupu sonuncu pillədə başa vurub.
-----------------------------------------
Yaponiya və İspaniya yığmaları Qətərdə keçirilən dünya çempionatında 1/8 finala vəsiqə qazanıb.
Sportnet.az-ın məlumatına görə, iki kollektiv E qrupunun son turunda üz-üzə gəlib. Qarşılaşma Asiya təmsilçisinin 2:1 hesablı qələbəsi ilə yekunlaşıb.
Bu nəticədən sonra yaponiyalılar 6 xalla qrup lideri olublar. 4 xalı olan ispaniyalılar isə 2-ci yerin sahibi kimi pley-offa adlayıb.
Qeyd edək ki, 1/8 finalda Yaponiya Xorvatiya ilə, İspaniya isə Mərakeşlə qarşılaşacaq.
------------------------------------------
Mərakeş milli komandası Qətərdə keçirilən dünya çempionatında 1/8 finala yüksəlib.
Sportnet.az-ın məlumatına görə, F qrupunun sonuncu - 3-cü turunda Kanadaya 2:1 hesabı ilə qalib gələrək birinci pillənin sahibi kimi pley-offa adlayıb.
Hesabı 4-cü dəqiqədə Hakim Ziyeş açıb. 23-cü dəqiqədə Yussuf En-Nesiri Mərekeşin üstünlüyünü 2 topa çatdırıb. 40-cı dəqiqədə Naif Agerdin öz qapısına vurduğu qol fərqin azalmasına səbəb olsa da, afrikalılar qələbə hesabını sonadək qoruya bilib.
Beləliklə, 3 oyundan 7 xal toplayan Mərakeş qrupu ilk pillədə başa vurub. Kanada isə mundialla xalsız vidalaşıb.
------------------------------------------
Xorvatiya millisi Qətərdə keçirilən dünya çempionatında 1/8 finala vəsiqə qazanıb.
Sportnet.az-ın məlumatına görə, F qrupunun III turunda Belçika ilə qolsuz heç-heçə edən Zlatko Daliçin rəhbərlik etdiyi kollektiv xallarını 5-ə çatdıraraq ikinci yerin sahibi kimi növbəti mərhələyə adlayıb.
4 xalı olan "qırmızı şeytanlar" isə mundialla vidalaşıb.
Qeyd edək ki, daha əvvəl Fransa, Avstraliya, Niderland, Seneqal, İngiltərə, ABŞ, Portuqaliya, Braziliya, Argentina və Polşa yığmaları 1/8 finala yüksəliblər.
-------------------------------------------
Qətərdə təşkil olunan dünya çempionatında bu gün daha 2 qrupda mübarizəyə yekun vurulacaq.
Sportnet.az-ın məlumatına görə, bununla da 1/8 finalın daha 4 iştirakçısı bəlli olacaq.
E qrupunda İspaniya millisi Yaponiya ilə, Almaniya yığması isə Kosta Rika ilə qarşılaşacaq. Bu qrupda hər bir ölkənin pley-off şansı davam edir.
F qrupunda isə Kanada Mərakeşi, Xorvatiya Belçikanı sınağa çəkəcək. Şimali Amerika təmsilçisinin mundialla vidalaşması dəqiqləşib. Digər 3 yığma isə 1/8 finala 2 vəsiqə uğrunda mübarizə aparacaq.
DÇ-2022
Qrup mərhələsi, III tur
1 dekabr
E qrupu
23:00. Kosta Rika - Almaniya - 2:4
Qollar: Yeltsin Texeda, 58. Xuan Pablo Varqas, 70 - Serj Qnabri, 10. Kay Haverts, 73, 85. Niklas Füllkruq, 90+1
23:00. Yaponiya - İspaniya - 2:1
Qollar: Ritsu Doan, 48. Ao Tanaka, 53 - Alvaro Morata, 12
Xal durumu: Yaponiya - 6, İspaniya - 4, Almaniya - 4, Kosta Rika - 3
F qrupu
19:00. Kanada - Mərakeş - 1:2
Qollar: Naif Ager, 40 (avtoqol) - Hakim Ziyeş, 4. Yussuf En-Nesiri, 23
19:00. Xorvatiya - Belçika - 0:0
Xal durumu: Mərakeş - 7, Xorvatiya - 5, Belçika - 4, Kanada - 0.
Qeyd edək ki, daha əvvəl Fransa, Avstraliya, Niderland, Seneqal, İngiltərə, ABŞ, Portuqaliya, Braziliya, Argentina və Polşa yığmaları 1/8 finala vəsiqə qazanıblar.
