Premyer Liqasında XXI tura yekun vurulub.
Sportnet.az-ın məlumatına görə, turun son matçında “Sabah” və “Səbail” komandaları üz-üzə gəliblər.
Ölkə kubokunun 1/4 final mərhələsində rəqibinə məğlub olaraq mübarizəni dayandıran “Sabah” bunun revanşını böyükhesablı qələbə ilə alıb. Murad Musayevin kollektivi matçın taleyini birinci hissədə həll edib. Coy Lens Mikels 4-cü dəqiqədə, Davit Volkov isə 10-cu və 31-ci dəqiqələrdə fərqlənib. Qarşılaşmanın 68-ci dəqiqəsində “Sabah”ın ispaniyalı müdafiəçisi Con İrasabal qırmızı vərəqə ilə cəzalandırılıb. 79-cu dəqiqədə isə qonaq komandanın kapitanı Rahid Əmirquliyev meydandan qovulub.
İkinci hissədə rəqib qapısına daha bir dəfə yol tapan “Sabah” meydanı 4:0 hesablı qalibiyyətlə tərk edib. Son nöqtəni 83-cü dəqiqədə Emmanuel Apeh qoyub.
Bu nəticə ilə turnir cədvəlinin ikinci pilləsində qərarlaşan “Sabah” xallarının sayını 52-yə çatdırıb. Sonuncu yerdə gedən “Səbail”in isə aktivində 13 xal var.
Turun digər oyunlarında “Kəpəz” “Qarabağ”la (1:1), “Zirə” “Qəbələ” ilə (2:2) heç-heçə edib, “Neftçi” “Sumqayıt”ı öz meydanında (2:0), “Turan Tovuz” isə “Şamaxı”nı səfərdə (1:0) məğlub edib.
Qeyd edək ki, Premyer Liqada XXII turun oyunları fevralın 10-12-si aralığında keçiriləcək.
-------------------------------------
Misli Premyer Liqasında XXI turun daha bir oyunu keçirilib.
Sportnet.az-ın məlumatına görə, “Şamaxı” evdə “Turan Tovuz”u qəbul edib.
Qarşılaşmada yeganə qol ikinci hissədə vurulub. Tərlan Quliyev 54-cü dəqiqədə künc nöqtəsindən ötürülən topu başla qapıdan keçirib. Bu qol “Turan Tovuz”a 1:0 hesablı səfər qələbəsi qazandırıb.
Bu nəticə ilə xallarının sayını 20-yə çatdıran tovuzlular altıncı pillədəki mövqelərini möhkəmlədiblər. “Şamaxı” isə aktivindəki 16 xalla yeddinci sırada qalıb.
Qeyd edək ki, XXI tura bu gün keçiriləcək “Sabah” – “Səbail” oyunu ilə yekun vurulacaq. Əvvəlki matçlarda “Kəpəz” “Qarabağ”la (1:1), “Zirə” “Qəbələ” ilə (2:2) heç-heçə edib, “Neftçi” “Sumqayıt” (2:0) üzərində qələbə qazanıb.
-----------------------------------
Misli Premyer Liqasında XXI tura bu gün keçiriləcək oyunlarla yekun vurulacaq.
Sportnet.az-ın məlumatına görə, sonuncu gündə iki görüş baş tutacaq.
İlk olaraq bölgə təmsilçiləri üz-üzə gələcəklər. Turnir cədvəlində “qonşu” olan “Şamaxı” ilə “Turan Tovuz” birincilərin meydanında münasibətlərinə aydınlıq gətirəcəklər. Rəqibindən cəmi 1 xal geridə olan “Şamaxı” qalib gəlməklə turnir cədvəlində 6-cı pilləyə yüksəlmək niyyətindədir. Hazırda “Turan Tovuz” 17, “Şamaxı” isə 16 xala malikdir.
Tura paytaxt komandalarının dueli ilə son qoyulacaq. Liderlər qrupunda yer alan “Sabah” autsayder “Səbail”i sınağa çəkəcək. Azərbaycan Kubokunun 1/4 final mərhələsində rəqibinə məğlub olaraq mübarizəni dayandıran Murad Musayevin yetirmələri doğma azarkeşləri önündə bunun revanşını almağa çalışacaqlar. “Sabah” 49 xalla ikinci pillədə qərarlaşıbsa, sonuncu yerdə olan “Səbail”in aktivində 13 xal var.
Misli Premyer Liqası
XXI tur
6 fevral
14:00. “Şamaxı” – “Turan Tovuz” - 0:1
Qol: Tərlan Quliyev, 54
Hakimlər: Əliyar Ağayev, Zeynal Zeynalov, Akif Əmirəli, Rəvan Həmzəzadə
Hakim-inspektor: Munis Abdullayev
AFFA nümayəndəsi: Məmmədəli Məmmədov
Şamaxı şəhər stadionu
18:00. “Sabah” – “Səbail” - 4:0
Qollar: Aleksey Kaşuk, 4. Davit Volkov, 10; 31. Emanuel Apeh, 83
Qırmızı vərəqələr: Con İrasabal, 68 ("Sabah") - Rahid Əmirquliyev, 79 ("Səbail")
Hakimlər: İnqilab Məmmədov, Pərvin Talıbov, Şirmamed Mamedov, Cavid Cəlilov
Hakim-inspektor: Əmrah İbrahimov
AFFA nümayəndəsi: Ramiz Mustafayev
“Bank Respublika Arena”
Qeyd edək ki, ilk iki gündə “Kəpəz” “Qarabağ”la (1:1), “Zirə” “Qəbələ” ilə (2:2) heç-heçə edib, “Neftçi” “Sumqayıt”a (2:0) qalib gəlib.
