Futbol üzrə Azərbaycan Premyer Liqasında XXII tura yekun vurulub.
Sportnet.az-ın məlumatına görə, günün ikinci oyununda "Sumqayıt" "Şamaxı"nı qəbul edib.
"Kapital Bank Arena"dakı qarşılaşma meydan sahiblərinin 1:0 hesablı qələbəsi ilə bitib. "Gənclik şəhəri" təmsilçisinin heyətində 24-cü dəqiqədə Kərim Abubakar fərqlənib.
Bu nəticədən sonra xallarının sayını 18-ə çatdıran "Sumqayıt" 7-ci pilləyə yüksəlib. Qonaqlar isə 8-cı sıraya enib.
Qeyd edək ki, günün ilk matçında "Səbail" "Zirə"ni iki cavabsız qolla üstələyib. Turun əvvəlki oyunlarında “Qəbələ” ilə “Neftçi” qolsuz bərabərə qalıblar, “Turan Tovuz” “Kəpəz”ə (2:0) qalib gəlibsə, “Qarabağ” - “Sabah” görüşündə heç-heçə qeydə alınıb - 1:1.
---------------------------------------------------------
Futbol üzrə Azərbaycan Premyer Liqasında XXII turunda daha bir oyunu keçirilib.
Sportnet.az-ın məlumatına görə, günün ilk matçında "Səbail" "Zirə"ni qəbul edib.
"ASCO Arena"dakı qarşılaşma meydan sahiblərinin 2:0 hesablı qələbəsi ilə yekunlaşıb. "Dənizçilər"in heyətində 48-ci dəqiqədə David Qomis, 78-ci dəqiqədə Mirabdulla Abbasov fərqlənib.
Bu nəticədən sonra xallarının sayını 16-ya çatdıran "Səbail" 7-ci sıradakı "Şamaxı"ya çatıb. "Qartallar" isə 32 xalla 4-cü sıradadır.
Qeyd edək ki. günün ikinci görüşündə "Sumqayıt" "Şamaxı"nı sınağa çəkəcək. Turun əvvəlki oyunlarında “Qəbələ” ilə “Neftçi” qolsuz bərabərə qalıblar, “Turan Tovuz” “Kəpəz”ə (2:0) qalib gəlibsə, “Qarabağ” - “Sabah” görüşündə heç-heçə qeydə alınıb - 1:1.
--------------------------------------------------------
Futbol üzrə Azərbaycan Premyer Liqasında XXII tura bu gün keçiriləcək iki oyunla yekun vurulacaq.
Sportnet.az-ın məlumatına görə, matçlardan biri Bakıda, digəri isə Sumqayıtda baş tutacaq.
Günün ilk görüşündə “Səbail” “Zirə”ni qəbul edəcək. Şahin Diniyevin baş məşqçi olduğu komanda qələbə qazanmaqla həm sonuncu pillədən qurtulmağa, həm də “Zirə” önündəki qələbə həsrətinə son qoymağa çalışacaq. Çempionatdakı son 7 qarşılaşmada rəqibinə qalib gələn “qartallar” isə bunu, eyni zamanda “Səbail”lə matçlardakı 12 oyunluq məğlubiyyətsizlik seriyasını davam etdirmək əzmindədir.
Meydan sahibləri hazırda 32 xalla dördüncü yerdədir. Autsayder “dənizçilər”in isə aktivində 13 xal var.
Tura turnir cədvəlinin “qonşu” pillələrində qərarlaşan “Sumqayıt”la “Şamaxı” arasında birincilərin meydanında keçiriləcək matçla yekun vurulacaq. “Gənclik şəhəri" təmsilçisi rəqibini turnir cədvəlində qabaqlamaq üçün doğma azarkeşləri önündə qalib gəlməlidir. Yeddinci pillədə olan “Şamaxı” 16 xala malikdirsə, “Sumqayıt” ondan cəmi 1 xal az toplayıb.
12 fevral (bazar)
15:00. “Səbail” – “Zirə” - 2:0
Qol: David Qomis, 48. Mirabdulla Abbasov, 78
Hakimlər: Rauf Cabarov, Cavanşir Yusifov, Rəhman İmami, Səbuhi Bayramov
Hakim-inspektor: Babək Quliyev
AFFA nümayəndəsi: Asif Əliyev
“ASCO Arena”
17:30. “Sumqayıt” - “Şamaxı” - 1:0
Qol: Kərim Abubakar, 24
Hakimlər: Rəvan Həmzəzadə, Namiq Hüseynov, Eyyub İbrahimov, Rövşən Rəcəbov
Hakim-inspektor: Barış Şimşek
AFFA nümayəndəsi: Seymur Səlimli
“Kapital Bank Arena”
Qeyd edək ki, turun əvvəlki oyunlarında “Qəbələ” ilə “Neftçi” qolsuz bərabərə qalıblar, “Turan Tovuz” “Kəpəz”ə (2:0) qalib gəlibsə, “Qarabağ” - “Sabah” görüşündə heç-heçə qeydə alınıb - 1:1.
