“Neftçi” Premyer Liqanın XXV turunda qarşılaşacağı “Turan Tovuz”la matçın hazırlığını davam etdirir.
Sportnet.az klubun rəsmi saytına istinadən xəbər verir ki, “Qarabağ”la oyunun ertəsi günü istirahət edən “ağ-qaralar” martın 1-də hazırlığa başlayıb. Bu gün “Türk Hava Yolları Futbol Mərkəzi”ndə baş tutan məşqdə zədəli Ataa Caber iştirak etməyib. Rəhman Hacıyev isə fərdi məşğul olub.
Qeyd edək ki, martın 5-də “Bakcell Arena”da keçiriləcək görüş saat 19:30-da başlayacaq. Dünən satışa çıxarılan biletlərin qiymətləri 2 (1A, 2A, 4A, 5A, 1B, 2B, 3B), 5 (3A) və 10 (VİP) AZN təşkil edir.
