Misli Premyer Liqasında XXVI tura start verilib.
Sportnet.az-ın məlumatına görə, ilk oyun günündə 2 görüş keçirilib.
Gəncədə "Kəpəz" "Zirə"ni qəbul edib. Oyun 1:1 hesablı heç-heçə ilə yekunlaşıb. 38-ci dəqiqədə Fərid Nəbiyev meydan sahiblərini hesabda önə çıxarsa da, 82-ci dəqiqədə Hamidu Keyta penalti zərbəsini dəqiq yerinə yetirərək, bərabərliyi təmin edib.
Bu nəticədən sonra "Kəpəz" 21 xalla 8-ci, "Zirə" 37 xalla 4-cü yerdə qalıb.
Bakıda "Sabah" və "Sumqayıt" arasında keçirilmiş matçda isə 3 qol vurulub. Coy Lens Mikels 45-ci, Aleksey Kaşuk 75-ci, Ceyhun Nuriyev 85-ci, Seymur Məmmədov isə 90+2-ci dəqiqədə fərqlənərək, meydan sahiblərinin böyük hesablı qələbəsini təmin edib - 4:0.
Beləliklə, xalını 59-a çatdıran "Sabah" 2-ci pillədə möhkəmlənib. "Sumqayıt" isə 21 xalla 7-ci mövqedə qalıb.
Qeyd edək ki, martın 11-də "Turan Tovuz" - "Qəbələ" və "Qarabağ" - "Səbail", martın 12-də "Şamaxı" - "Neftçi" oyunları keçiriləcək.
--------------------------------
Bu gün Misli Premyer Liqasında XXVI tura start veriləcək. Sportnet.az-ın məlumatına görə, ilk gündə iki oyun baş tutacaq.
Turun açılış matçı Gəncədə baş tutub. Autsayderlər zonasında qərarlaşan “Kəpəz” avrokuboklara iddia edən “Zirə”ni qəbul edib. İki qolun qeydə alındığı matçda qalib müəyyənləşməyib - 1:1. Bu nəticənin ardından xallarının sayını 37-yə çatdıran "Zirə" 4-cü, 21 xala sahib "Kəpəz" isə 8-ci pillədə qərarlaşıb.
Günün digər qarşılaşmasında bölgə təmsilçisi paytaxtda qonaq olacaq. 56 xalla turnir cədvəlinin ikinci pilləsində olan “Sabah” yavaş-yavaş təhlükəli zonadan uzaqlaşan “Sumqayıt”ı sınağa çəkəcək. Son 5 görüşün dördündə “Sabah”a böyük hesabla məğlub olan “gənclik şəhəri” təmsilçisi yalnız bir dəfə he-heçə ilə öyünə bilib. Samir Abasovun yetirmələri iki illik tilsimi qırmaq istəsə də, öz meydanında çıxış edəcək “Sabah” aşkar favoritdir. “Sumqayıt” 21 xalla yeddinci sıradadır.
Qeyd edək ki, turun digər oyunlarında martın 11-də “Turan Tovuz” “Qəbələ”ni, “Qarabağ” “Səbail”i qəbul edəcək, ertəsi gün isə “Neftçi” “Şamaxı”nın qonağı olacaq.
15:00. “Kəpəz” – “Zirə” 1:1
Qollar: Fərid Nəbiyev, 38 - Hamidu Keyta, 82-pen.
Hakimlər: Kamranbəy Rəhimov, Eyyub İbrahimov, Teymur Teymurov, Namiq Bəkirov
Hakim-inspektor: Rövşən Əhmədov
AFFA nümayəndəsi: İlham Əliyev
Gəncə şəhər stadionu
19:00. “Sabah” – “Sumqayıt” - 4:0
Qollar: Coy Lens Mikels, 45. Aleksey Kaşuk, 75. Ceyhun Nuriyev, 85. Seymur Məmmədov, 90+2
Hakimlər: Tural Qurbanov, Kamran Bayramov, Şirmamed Mamedov, Əli Əliyev
Hakim-inspektor: Anar Salmanov
AFFA nümayəndəsi: Ramiz Mustafayev
“Bank Respublika Arena”
