Misli Premyer Liqasında XXVIII turun növbəti görüşləri keçirilib.
Sportnet.az-ın məlumatına görə, günün ilk oyununda "Kəpəz" doğma meydanda "Səbail"i qəbul edib. Qarşılaşma ev sahibi komandanın 1:0 hesablı qələbəsi ilə başa çatıb.
"Kəpəz"in futbolçusu Ahmet Ayzaya 64-cü dəqiqədə penaltidən yararlana bilməyib.
Bu nəticənin ardından xallarının sayını 25-ə çatdıran "Kəpəz" 8-ci pillədən 7-ci sıraya yüksəlib.
"Səbail" isə 18 xalla 10-cu pillədə qərarlaşıb.
Günün son matçında "Zirə" və "Neftçi" komandaları qarşılaşıb. Zirə İdman Kompleksinin stadionunda baş hakim Nicat İsmayıllının idarə edəcəyi görüş 1:1 hesablı heç-heçə ilə yekunlaşıb.
Bununla da "Neftçi" 57 xalla 3-cü, "Zirə" 38 xalla 4-cü pillədə qalıb.
Misli Premyer Liqası
XXVIII tur
1 aprel (şənbə)
15:30. “Kəpəz” – “Səbail” - 1:0
Qol: Abdullahi Şuaybu, 68
Hakimlər: Tural Qurbanov, Vüsal Məmmədov, Şirmamed Mamedov, Kamal Umudlu
Hakim-inspektor: Munis Abdullayev
AFFA nümayəndəsi: Əsgər Əmirəliyev
Gəncə şəhər stadionu
19:30. “Zirə” – “Neftçi” 1-1
Qollar: Kenni Sayef, 70 (öz qapısına) - Kenni Lebon, 12
Hakimlər: Nicat İsmayıllı, Kamran Bayramov, Cəmil Quliyev, Emin Əliyev
Hakim-inspektor: Barış Şimşek
AFFA nümayəndəsi: Ramiz Mustafayev
Zirə İdman Kompleksinin stadionu
Qeyd edək ki, açılış oyununda "Sumqayıt" səfərdə "Turan Tovuz"a qalib gəlib - 3:2. Tura aprelin 2-də keçiriləcək "Şamaxı" - "Qarabağ" və "Sabah" - "Qəbələ" oyunları ilə yekun vurulacaq.
