Qrem Potter İngiltərənin "Çelsi" komandanın baş məşqçi postundan istefaya göndərilib.
Sportnet.az klubun rəsmi saytına istinadən xəbər verir ki, 47 yaşlı mütəxəssislə müqavilə qarşılıqlı razılıq əsasında pozulub.
Baş məşqçi vəzifəsinin icrası Bruno Saltora həvalə edilib.
Qeyd edək ki, Qrem Potter 2022-ci ilin sentyabrında “Çelsi”yə baş məşqçi təyin olunmuşdu. Həmin vaxt onunla 2027-ci ilin iyununadək müqavilə bağlanılmışdı. Potterin rəhbərliyi altında "zadəganlar" bütün yarışlarda 12 qələbə qazanıb, 11 məğlubiyyətlə üzləşib və 8 dəfə heç-heçə edib. Komanda İngiltərə Premyer Liqasının turnir cədvəlində 28 oyundan 38 xalla 11-ci pillədə qərarlaşıb. Klub həmçinin Çempionlar Liqasının 1/4 final mərhələsinə yüksəlib və İspaniya “Real Madrid”inə rəqib olub.
