Bu gün UEFA Çempionlar Liqasında I təsnifat mərhələsinə start verilib.
Sportnet.az xəbər verir ki, ölkəmizi turnirdə təmsil edən “Qarabağ” da mübarizəyə bu mərhələdən başlayıb. Ağdam təmsilçisi ilk oyununda səfərdə Cəbəllütariqin “Linkoln” klubu ilə qarşılaşıb. Oyunda hesabı meydan sahibləri açsa da, "Qarabağ" 2:1 hesablı əzmkar qələbə qazanıb. Qələbə qolunu 90+4-cü dəqiqədə Yassin Benzia vurub.
Komandalar arasında cavab görüşü iyulun 19-da Bakı Olimpiya Stadionunda keçiriləcək.
Bu cütün qalibi 2-ci mərhələdə “Rakuv” (Polşa) - “Flora” (Estoniya) cütünün qalibi ilə üz-üzə gələcək. Ağdam təmsilçisinin ilk görüşü yenə səfərdə olacaq.
UEFA Çempionlar Liqası
I təsnifat mərhələsi, ilk oyun
11 iyul
19:30. "Linkoln" (Cəbəllütariq) - "Qarabağ" (Azərbaycan) - 1:2
Qol: Kike Qomez, 24 - Redon Cica, 58. Yusuf Benzia, 90+4
Hakimlər: Vitali Spasennikov, Raymonds Tatriks, Arturs Sakurovs Aleksandrs Anufriyevs (hamısı Latviya)
"Viktoriya" stadionu.
