Akrobatika gimnastikası üzrə Azərbaycan millisi Bolqarıstanın Varna şəhərində keçirilən Avropa çempionatında uğurlu çıxış edib.
Sportnet.az xəbər verir ki, Nəzrin Zeyniyeva, Zəhra Rəşidova və Anahita Bashiridən ibarət qadın qrupu (gənclər) gümüş medal qazanıb.
Çempionatda ölkəmizi Azərbaycan yığma komandasının üzvləri Ağasif Rəhimov və Raziyə Seyidlidən ibarət qarışıq cütlük, Nəzrin Fərmanova, Aynur Yusufova, Lalə Hüseynova ibarət qadın qrupu (böyüklər), Nəzrin Zeyniyeva, Zəhra Rəşidova, Anahita Bashiridən ibarət qadın qrupu (gənclər), Daniel Abbasov və Murad Rəfiyevdən ibarət kişi cütlüyü təmsil edir.
Qeyd edək ki, yarış oktyabrın 22-də başa çatacaq.
