Rusiyanın paytaxtı Moskvada yaşayan idman jurnalisti Anar Şabanoğlu maraqlı təkliflə çıxış edib. Tanınmış yazar Sportnet.az-a açıqlamasında sentyabrın 3-də Rusiya və Azərbaycan milli komandaları arasında keçiriləcək yoldaşlıq görüşündən öncə mərhum futbolçu Ələkbər Məmmədovun xatirəsinin 1 dəqiqəlik sükutla anılmasının zəruriliyini dilə gətirib.
O, AFFA-dan bu məqsədlə Rusiya Futbol İttifaqına (RFS) müraciət ünvanlanmasını istəyib. Şabanoğlunun fikrincə, müraciət olsa, RFS müsbət cavablandıracaq: "Məncə, bu günədək ruslar Məmmədova bizdən qat-qat artıq ehtiram nümayiş etdirib. Biz onu ahıl yaşında evdə tək, sahibsiz qoyduq, ölümündən neçə gün sonra meyiti tapıldı. Vida mərasimindən fotolara baxarkən, zaldakı oturacaqlarda boş yerlər gördüm. Əvəzində Rusiya futbolunun bir nömrəli derbisi sayılan "Dinamo" - "Spartak" matçında onun xatirəsi 1 dəqiqəlik sükutla yad olundu, meydan sahibləri qara sarğıda çıxış etdilər. Məncə, təsadüf də olsa, bunu Allah istəyib ki, Ələkbər müəllimin ölümündən 40 gün ötməmiş belə bir matç olsun, özü də Moskvada".
Həmkarımız hətta Rusiya - Azərbaycan matçının Ələkbər Məmmədovun xatirəsinə təşkil olunmasının mümkünlüyünü də vurğulayıb: "Bu zaman hər iki komanda meydana üzərində onun şəkli olan futbolkalarla və qara lentlərlə çıxa bilər. Matçdan əvvəl İtaliya "Milan"ına vurduğu 4 qolun videoyazısını vermək, ötən ilədək bu klubu 4 dəfə məyus etmiş yeganə futbolçu olduğunu, ilk Avropa çempionu olmuş SSRİ millisinin heyətində 1960-cı il qitə çempionatının seçmə oyunlarında iştirak etdiyini, "Dinamo"nun heyətində 4 qat SSRİ çempionu olduğunu və saysız-hesabsız qol vurduğunu qeyd etmək, hətta oyundan bütün gəliri Məmmədovun adına hər hansı layihəyə yönəltmək olar. Yüz faiz əminəm ki, RFS bütün təkliflərimizə müsbət yanaşacaq. Amma AFFA-nın hansısa təklif irəli sürəcəyinə əmin deyiləm".
O, AFFA-dan bu məqsədlə Rusiya Futbol İttifaqına (RFS) müraciət ünvanlanmasını istəyib. Şabanoğlunun fikrincə, müraciət olsa, RFS müsbət cavablandıracaq: "Məncə, bu günədək ruslar Məmmədova bizdən qat-qat artıq ehtiram nümayiş etdirib. Biz onu ahıl yaşında evdə tək, sahibsiz qoyduq, ölümündən neçə gün sonra meyiti tapıldı. Vida mərasimindən fotolara baxarkən, zaldakı oturacaqlarda boş yerlər gördüm. Əvəzində Rusiya futbolunun bir nömrəli derbisi sayılan "Dinamo" - "Spartak" matçında onun xatirəsi 1 dəqiqəlik sükutla yad olundu, meydan sahibləri qara sarğıda çıxış etdilər. Məncə, təsadüf də olsa, bunu Allah istəyib ki, Ələkbər müəllimin ölümündən 40 gün ötməmiş belə bir matç olsun, özü də Moskvada".
Həmkarımız hətta Rusiya - Azərbaycan matçının Ələkbər Məmmədovun xatirəsinə təşkil olunmasının mümkünlüyünü də vurğulayıb: "Bu zaman hər iki komanda meydana üzərində onun şəkli olan futbolkalarla və qara lentlərlə çıxa bilər. Matçdan əvvəl İtaliya "Milan"ına vurduğu 4 qolun videoyazısını vermək, ötən ilədək bu klubu 4 dəfə məyus etmiş yeganə futbolçu olduğunu, ilk Avropa çempionu olmuş SSRİ millisinin heyətində 1960-cı il qitə çempionatının seçmə oyunlarında iştirak etdiyini, "Dinamo"nun heyətində 4 qat SSRİ çempionu olduğunu və saysız-hesabsız qol vurduğunu qeyd etmək, hətta oyundan bütün gəliri Məmmədovun adına hər hansı layihəyə yönəltmək olar. Yüz faiz əminəm ki, RFS bütün təkliflərimizə müsbət yanaşacaq. Amma AFFA-nın hansısa təklif irəli sürəcəyinə əmin deyiləm".
Şabanoğlu bütün tarixlər ərzində Ələkbər Məmmədovun azərbaycanlı soyadı daşıyan ən yaxşı futbolçu olduğunu iddia edib. O, Məmmədovun həm Azərbaycan, həm Rusiya, həm də SSRİ futbolunun efsanəsi olduğunu, Azərbaycan millisinin tarixinə ilk baş məşqçi kimi düşdüyünü xatırladıb. Həmkarımız bildirib ki, matç Ələkbər Məmmədovun 40 mərasimi ərəfəsində keçiriləcəyindən, mərhum futbolçumuzun xatirəsinin Rusiya - Azərbaycan matçında yad edilməsi heç də gec sayılmaz.
Qeyd edək ki, "Ximki Arena"da keçiriləcək Rusiya - Azərbaycan matçı Bakı vaxtı ilə saat 21:00-da başlanacaq.
Qeyd edək ki, "Ximki Arena"da keçiriləcək Rusiya - Azərbaycan matçı Bakı vaxtı ilə saat 21:00-da başlanacaq.
