Azərbaycan boksçusu Nicat Həsənov Argentinanın paytaxtı Buenos-Ayresdə keçirilən Yeniyetmələrin III Yay Olimpiya Oyunlarında medal qazana bilməyib.
Sportnet.az-ın məlumatına görə, 69 kq çəki dərəcəsində yer alan 18 yaşlı idmançı bürünc medal uğrunda görüşdə özbəkistanlı Caxongir Raxmonova uduzub - 0:5 (26:30, 27:30, 27:30, 28:29, 28:29). Bununla da Həsənov olimpiadanı 4-cü pillədə başa vurub.
Bu gecə Bakı vaxtı ilə saat 01:15-də Azərbaycanın daha bir boksçusu Nurlan Səfərov 60 kq çəkidə bürünc medal uğrunda görüşdə Marvan Mamdu Məhəmmədlə qarşılaşacaq.
