Avropa Liqasının I təsnifat mərhələsində çıxış edəcək "Qəbələ” klubu bu gün Gürcüstana yollanacaq. Sportnet.az-ın məlumatına görə, iyulun 2-də Tiflisin "Dinamo” klubu ilə ilk matçına çıxacaq "qırmızı-qaralar” oyundan iki gün əvvəl qonşu ölkəyə gedəcək.
Roman Qriqorçukun baş məşqçisi olduğu komanda səhər məşqindən sonra səfərə çıxacaq. 2015-2016 mövsümünün hazırlıq məqsədilə iyunun 10-19-da Türkiyənin Ərzurum şəhərində, iyunun 20 - 30-da Qəbələdə toplanış keçən Azərbaycan təmsilçisi Avropa Liqasının I təsnifat mərhələsinin ilk oyunu öncəsi son məşqinə Tiflisdə çıxacaq. "Qəbələ” I təsnifat mərhələsində iştirak etmək üçün 27 futbolçunu sifariş vərəqinə daxil edib.
Gürcüstana yollanacaq heyət:
Qapıçılar
1. Andrey Popoviç
22. Dmitri Bezotosnı
30. Anar Nəzirov
36. Süleyman Süleymanov
Müdafiəçilər
3. Vojislav Stankoviç
7. Ruslan Əmircanov
8. Məhəmməd Mirzəbəyov
13. Murad Musayev
20. Rikardinyo
21. Arif Daşdəmirov
25. Vitali Vernidub
34. Ürfan Abbasov
44. Rafael Santos
Yarımmüdafiəçilər
4. Elvin Camalov
5. Georgi Floresku
6. Rəşad Sadiqov
11. Asif Məmmədov
14. Cavid Hüseynov
16. Emin Zamanov
17. Qismət Alıyev
19. Aleksey Qay
66. Samir Zərgərov
67. Sahil Mirzəyev
Hücumçular
9. Sergey Zenyov
10. Dodo
69. Aleksey Antonov
97. Roman Hüseynov
Bu, "Qəbələ"nin yeni mövsümdə ilk rəsmi matçı olacaq. Avrokuboklarda ötən il debüt edən klub qitəmiqyaslı turnirdəki 2-ci cəhdində mərhələ adlamağa çalışacaq. Bunun üçün isə bir həftə sonra Qəbələdə baş tutacaq matç öncəsi səfərdə sərfəli nəticə qazanılmalıdır.
Tiflisdəki matç əfsanəvi Boris Payçadzenin adını daşıyan "Dinamo Arena”da baş tutacaq. Görüşü israilli hakimlər idarə edəcək:
UEFA Avropa Liqası, I təsnifat mərhələsi
İlk oyun, 2 iyul
21:00. "Dinamo” (Tiflis, Gürcüstan) – "Qəbələ”
Baş hakim: Roi Reynşreyber (İsrail)
Baş hakimin köməkçiləri: David Elias Biton, İdan Yarkoni (hər ikisi İsrail)
Ehtiyat hakim: Zvi Levi (İsrail)
UEFA nümayəndəsi: George Fantaros (Yunanıstan)
Hakim-inspektor: Siril Zimmermann (İsveçrə)
Tiflis. Boris Payçadze adına "Dinamo Arena” stadionu
