Azərbaycan milli komandasının baş məşqçisi Robert Prosineçki DÇ-2018-in seçmə qrup mərhələsinin püşkatması ilə bağlı fikirlərini bildirib. Sportnet.az-ın məlumatına görə, xorvatiyalı mütəxəssis "affa.az"a açıqlamasında millimizin rəqiblərini dəyərləndirib.
O deyib: "Çox güclü qrupa düşmüşük. Ancaq indi fikrimizi Xorvatiya və Malta yığmaları ilə keçirəcəyimiz oyunlara yönəltmişik. Qrupumuzun favoritləri Almaniya və Çexiya milli komandalarıdır. Qrupda yaxşı çıxış etmək üçün əlimizdən gələni etməyə çalışacağıq”.
Qeyd edək ki, hazırda vətənində olan Robert Prosineçki DÇ-2018-in püşkatmasına səhhəti ilə əlaqədar qatıla bilməyib.
