Türkiyənin "Qalatasaray" klubu yeni transferi Kevin Qrosskroytsu ictimaiyyətə açıqlayıb. Sportnet.az-ın məlumatına görə, Almaniyanın "Borussiya" (Dortmund) komandasının futbolçusu ilə 3 illik müqavilə imzalanıb.
Keçid üçün İstanbul təmsilçisi Dortmund klubuna 1 milyon 500 min avro ödəyəcək. Bundan əlavə, "Qalatasaray" növbəti mövsüm Çempionlar Liqasının qrup mərhələsinə qatılacağı təqdirdə, Almaniya təmsilçisinin hesabına 250 min avro köçürüləcək. Futbolçunun özünə isə birinci ilində 1 milyon 850 min, növbəti illərdə isə 1 milyon 500 min avro ödəniləcək. Hər oyun üçün Qrosskroyts 20 min avro qazanacaq.
Qeyd edək ki, Türkiyə Futbol Federasiyası "Qalatasaray"ın yeni transferini qəbul etməyib. Buna səbəb sənədlərin transfer pəncərəsi bağlandıqdan 48 saniyə sonra təqdim edilməsi olub. Artıq klub məsələ ilə bağlı FİFA-ya müraciət edib və ali futbol qurumunun cavabını gözləyir. "Borussiya" Avropa Liqasının qrup mərhələsində "Qəbələ"nin rəqiblərindəndir.
