Azərbaycan milli komandasının qapıçısı Kamran Ağayevin çıxış etdiyi Türkiyənin I Liqa təmsilçisi "Karşıyaka"da 2 istefa baş verib. Sportnet.az-ın məlumatına görə, baş məşqçi Cüneyt Dumlupınarla futbol şöbəsinin rəhbəri Osman Kırkpınar vəzifələri ilə vidalaşıb.
Dumlupınar yazılı açıqlamasında hazırkı komandaya və oyunçulara sonadək inandığını, "Karşıyaka"nın mövsümün sonunda bu heyətlə Super Liqaya yüksələcəyini bildirib. Kırkpınarı Devrim Açar əvəzləyib. Dumlupınarın yerinə isə Yılmaz Vuralın gətiriləcəyi gözlənilir.
Qeyd edək ki, "Karşıyaka" ilk 6 turdan sonra 5 xalla 13-cü pillədə qərarlaşıb.
