Xorvatiyanın Zaqreb şəhərində güləş üzrə gənclər arasında dünya çempionatı start götürüb. Sportnet.az-ın məlumatına görə, çempionatın ilk günündə 50, 60, 74 və 96 kq çəki dərəcələrində yunan-Roma güləşçiləri mübarizəyə qoşulub.
İlk yarış günündə 3 güləşçimiz - İbrahim Nurullayev, Elman Muxtarov və Orxan Nuriyev finala yüksəlib. Onların hamısı qızıl medal qazanıb.
50 kq çəki dərəcəsində mübarizə aparan İbrahim Nurullayev ilk görüşdə erməni, ardınca Koreya və Qazaxstan təmsilçilərinə qalib gələrək finala yüksəlib. Finalda güləşçimizin rəqibi Ukrayna təmsilçisi olub. Görüşü yüksək səviyyədə keçirən Nurullayev 9:2 hesabı ilə qalib gələrək, dünya çempionu olub.
60 kq-da Elman Muxtarov da finala qədərə inamla güləşib. Qırğızıstan, Belarus, Finlandiya və Fransa güləşçiləri üzərində qələbə qazanan təmsilçimiz finala yüksəlib. Finalda onun rəqibi erməni güləşçisi Karen Aslayan olub. Qarşılaşmanın əvvəllərində təmsilçimiz minimal fərqlə geri düşsə də, tezliklə rəqibindən önə keçib. Aslayan döyüşün sonlarında məğlubiyyətdən xilas olmağa çalışsa da, özü əks-fəndə düşüb. Bununla da aktivinə daha 2 xal yazan Muxtarov 4:1 hesablı qələbə qazanaraq, dünya çempionu olub.
96 kq çəki dərəcəsində Orxan Nuriyev mübarizəyə Çin təmsilçisi üzərində qələbə ilə başlayıb. Ardınca Polşa, Bolqarıstan və Norveç güləşçilərini də məğlub edən təmsilçimiz finala yüksəlib. Orxan Nuriyev finalda Koreya idmançısı ilə qarşılaşıb. Nuriyev də uğurla çıxış edərək, 2:0 hesablı qələbə sayəsində dünya çempionu olub.
50 kq
1/8 final - İbrahim Nurullayev - Slavik Qalstyan (ARM) 8:0
1/4 final - İbrahim Nurullayev - Kim Juhyeon (KOR) 7:0
1/2 final - İbrahim Nurullayev - Kanaqat Akilbek (KAZ) 11:2
FİNAL - Oleksey Jabskiy (UKR) - İbrahim Nurullayev 9:2
60 kq
1/16 final - Elman Muxtarov - Kali Sulaymanov (KGZ) 10:2
1/8 final - Elman Muxtarov - Yahor Beliak (BLR) 7:1
1/4 final - Lauri Mahonen (FİN) - Elman Muxtarov 0:9
1/2 final - Yacin Ozay (FRA) - Elman Muxtarov 2:8
FİNAL - Elman Muxtarov - Karen Aslayan (ARM) 4:1
74 kq
1/16 final - Sənan Əlimirzəyev - Gela Bolkvadze (GEO) 1:2
96 kq
1/16 final - Abudurexiti Alimujiang (CHN) - Orxan Nuriyev 0:4
1/8 final - Orxan Nuriyev - Aleksander Kroczak (POL) 9:1
1/4 final - Orxan Nuriyev - Yevgeni Gançev (BUL) 4:0
1/2 final - Feliks Baldauf (NOR) - Orxan Nuriyev 4:8
FİNAL - Kim Seungjun (KOR) - Orxan Nuriyev 0:2
