"Neftçi" Avropa Liqasının "pley-off" mərhələsindəki ev oyununu Tofiq Bəhramov adına Respublika stadionunda keçirmək üçün UEFA-nın razılığını almalıdır. Bu barədə Sportnet.az-a Bakı klubunun vitse-prezidenti Tahir Süleymanov məlumat verib.
Süleymanov bu məqsədlə qitə futbol qurumuna müraciət edəcəklərini bildirib. O, "Partizan"la avqustun 21-də Belqradda keçirəcəkləri ilk görüşdən sonra UEFA-ya üz tutmaq istədiklərini açıqlayıb. Klub rəsmisi hələlik bu məsələdə qəti qərarın qəbul olunmadığını da əlavə edib.
Qeyd edək ki, "Neftçi" "Partizan"la ev oyununu avqustun 28-də keçirməlidir.
