Hollandiya "Tvente"si "Qarabağ"la Avropa Liqasının ilk "pley-off" matçı öncəsi heyətinə yeni futbolçu cəlb edib. Sportnet.az-ın məlumatına görə, Enshede klubu Hollandiyanın U-21 yığmasının və "Herenven" klubunun yarımmüdafiəçisi Hakim Ziyexlə 4 illik müqavilə bağlayıb.
Ziyex Rusiya "Spartak"ına buraxdığı Kuinsi Promexi əvəzləyəcək. Onu "Feyenord" da almaq istəyib. Lakin gənc futbolçu "Tvente"ni seçib. 21 yaşlı yarımmüdafiəçi artıq Avropa Liqası üçün sifariş ərizəsinə də salınıb və şans veriləcəyi təqdirdə, avqustun 21-də "Qarabağ"la matçda meydana çıxa biləcək.
Qeyd edək ki, Tofiq Bəhramov adına Respublika stadionunda keçiriləcək "Tvente" ilk matç saat 21:00-da başlanacaq.
