Açığı, məğlubiyyətə üzülmədim. Futbolda belə hallar olur”. Bunu "Qarabağ” klubunun baş məşqçisi Qurban Qurbanov Avropa Liqasının qrup mərhələsinin II turunda "İnter"ə 0:2 hesabı ilə uduzduqları oyundan sonra deyib.
Qurbanov mətbuat konfransında bəzi epizodlarda çoxlu səhvlərə yol verdiklərini bildirib: "Məğlubiyyətə yox, futbolçuların elədiyi səhvlərə üzülürəm. Əvvəllər hansısa nəticə üçün oynayırdıqsa, bu gün öz oyunumuzu sərgiləməyə çalışırıq. Nəticə barədə düşünsəydik, ancaq müdafiədə oturardıq. Bir neçə şansımız oldu. Təəssüf ki, bundan yararlana bilmədik”.
Qurbanov mətbuat konfransında bəzi epizodlarda çoxlu səhvlərə yol verdiklərini bildirib: "Məğlubiyyətə yox, futbolçuların elədiyi səhvlərə üzülürəm. Əvvəllər hansısa nəticə üçün oynayırdıqsa, bu gün öz oyunumuzu sərgiləməyə çalışırıq. Nəticə barədə düşünsəydik, ancaq müdafiədə oturardıq. Bir neçə şansımız oldu. Təəssüf ki, bundan yararlana bilmədik”.
Qurbanov deyib ki, daha çox meydanda futbolçuların səhvindən narahatdır: "Bu gün Avropanın adlı-sanlı klubuna qarşı oynadıq. Amma səhvlər imkan vermədi. Futbolçular verilən tapşırığı yerinə yetirsələr, nəticə özü gələcək. İndi rəibin 6 xalı var, bu gün zirvədə olmağa layiqdir. Qarşıdakı oyunlarda bu gün buraxdığımız səhvlərə yol verməməliyik. Ümumi götürsək, "İnter” çox yaxşı müdafiə xəttinə malikdir. Onları biz səhv etməyə məcbur etdik. Hardasa məğlubiyyəti qəbul edirik. Amma məni narahat edən bəzi səhvlərdir. Mənim də hücumçu kimi, 1 metrdən qapıya dəqiq zərbə vura bilmədiyim vaxtlar olub. Dünən də qeyd etdim ki, "İnter” kimi komandaya qarşı oynamaq bizim üçün təcrübədir. Gələcəkdə yenə bu arenada oynamaq istərdim”.
Qurbanov daha sonra komandasının şansı barədə danışıb: "Rəqiblərimizin bu gün heç-heçə etməsi bizi daha məsuliyyətli olmağa məcbur edir. Bizi növbəti turlarda "Dnepr”lə çətin oyunlər gözləyir. Bu oyundan sonra qarşıdakı planlar haqda düşünmək olar. Hazırda fikrimiz çempionata və avroliqaya yönəlib. Bu gün bütün futbolçulara güvənirəm. Hər birindən maksimum yararlanmağa çalışıram. Amma elə səhvlər olur ki... Bu gün desəm ki, kiminsə yerinə futbolçu axtarıram, bu, düzgün çıxmaz. Bakıdakı oyunda həm maraqlı, həm baxımlı olacaq. Amma "İnter” üçün asan olmayacaq”.
Hakimliyə gəlincə, Qurbanov onların işindən narazı qalmadığını söyləyib: "Hakimlər toxunulmazdı. Mən onlar barədə fikir söyləməyi xoşlamıram. Bugünkü oyuna görə, hansısa irad bildirmək istəmirəm”.
