Avropa Liqasının qrup mərhələsi çərçivəsində Ukraynanın paytaxtı Kiyevdəki "Olimpisyki" stadonunda baş tutacaq "Dnepr"lə oyuna "Qarabağ"ın zədəli futbolçusu Danilo Dias da gedəcək. Klubdan Sportnet.az-a verilən məlumata görə, sabah Ukraynaya yola düşəcək Ağdam təmsilçisi iki zədəli futbolçusundan birini aparmağı qərara alıb.
Diasdan fərqli olaraq, daha uzun müddətə sıradan çıxan Çumbinyo Bakıda qalacaq. Braziliyadan yenicə qayıdan yarımmüdafiəçi hazırda əsa ilə gəzir. "Qarabağ" səfərə çarter reysi ilə yollanacaq.
Qeyd edək ki, "Dnepr" - "Qarabağ" oyunu oktyabrın 23-də keçiriləcək.
