Fransanın I Liqasında XIII turun oyunları davam edir. Sportnet.az-ın
məlumatına görə, azərbaycanlı iş adamı Hafiz Məmmədova məxsus "Lans” ötən gün növbəti matçına çıxıb.
"Sarı-qırmızılar” doğma
meydanda "Bordo”nu qəbul edib. Görüş qonaqların qələbəsi ilə yekunlaşıb - 2:1. Bu məğlubiyyətdən sonra "Lans" 11 xalla 19-cu pilləyə enib. "Bordo" isə 24 xalla 3-cü pilləyə yüksəlib.
"Qarabağ”ın Avropa Liqasındakı rəqibi
"Sent Etyen” isə bu gün meydana çıxıb. Rəqib "Monako" olub. Evdə oynamalarına baxmayaraq, "yaşıllar" qələbə qazana bilməyiblər. "Sent-Etyen" hesabda tarazlıq yaratmağa müvəffəq olsa da, 72-ci dəqiqədə qonaqların azlıqda qalmasından sonra qələbə topunu vura bilməyib.
Heç-heçə 22 xala malik "Sent Etyen"i 6-cı pilləyə endirib. "Monako" isə 19 xalla 7-ci mövqedə qalıb.
Fransa Liqası, XIII tur
7 noyabr
"Renn” – "Loryen” - 1:0
Qol: Pedro, 89
8 noyabr
"Lans” – "Bordo” - 1:2
Qollar: Touzqhar, 74 - Xazri, 24; Diabate, 41
"Bastiya” – "Monpelye” - 2:0
Qollar: Tallo, 21; 45+1
"Kan” – "Nant” - 1:2
Qollar: Düamel, 24 - Viskarrondo, 40. Veretu, 61
"Evian” – "Nitsa” - 1:0
Qol: Vass, 76
"Tuluza” – "Mets” - 3:0
Qollar: Siryo, 3. Ben-Yeder, 61. Peşiç, 72
9 noyabr
"Lion” – "Genqam” - 3:1
Qollar: Lyakazett, 7. Fekir, 20; 87 - Marvo, 45+1
"Reyms” – "Lill” - 2:0
Qollar: Mukanco, 26 - penalti ilə. Mandi, 33
"Sent Etyen” – "Monako” - 1:1
Qollar: Riki van Volfsvinkel, 58 - Lasina Traore, 17
Qırmızı vərəqə: Tyomua Bakayoko, 72 ("Monako")
PSJ – "Marsel” - 2:0
Qollar: Lukas, 38; Kavani, 85
