Türkiyə kubokunda qrup mərhələsinin II turunun oyunları keçirilir. Sportnet.az-ın məlumatına görə, A qrupunda Vaqif Cavadov, Rəhman Hacıyev və Ufuk Budakın şərəfini qoruduqları "Qaziantep BB" "Qaziantepspor"la qarşılaşıb. Bakı vaxtı ilə 22:30-da başlanan matç 0:0 hesabı ilə yekunlaşıb. Milli futbolçularımızdan yalnız Vaqif Cavadov iştirak edib. O, 90 dəqiqə meydanda mübarizə aparıb. Hacıyev və Budakın isə adı heç "18-liy”ə belə salınmayıb.
G qrupunda yer alan millimizin keçmiş üzvü Branimir Subaşiçin klubu "Manisaspor" öz meydanında "Keçiörengücü"nu qəbul edib. Subaşiçin iştirak etmədiyi oyun 1:0 hesabı ilə "Manisaspor"un xeyrinə başa çatıb.
17 dekabr
22:30. "Qaziantepspor" - "Qaziantep BB" 0:0
16:30. "Manisaspor" - "Keçiörengücü" 1:0
