Bakı Əyləncə Mərkəzində "Sportsman" jurnalının "Zəfər" Yüksək İdman Naliyyətləri Mükafatının təqdim etmə mərasimi keçirilib. Spornet.az-ın məlumatına görə, mükafatçılar sırasında qısa müddətdə ölkədə çimərlik voleybolunu Avropada tanıdan Azərbaycan Çimərlik Voleybolu Assosiasiyasının (AÇVA) və "Azəryol" klubunun prezidenti Cavid Qurbanov da yer alıb.
C.Qurbanov AÇVA-nın yaranmasındakı xidmətlərinə görə "Zəfər" Yüksək İdman Naliyyətləri Mükafatı ilə təltif edilib.
Qeyd edək ki, Azərbaycanda çimərlik voleybolu son bir ilə kimi o qədər də məşhur idman növü hesab edilməyib. Paytaxtda keçirilən çimərlik voleybol üzrə ölkə çempionatı, eləcə də ölkə kuboku həvəskar xarakter daşıyıb. 2014-cü ildə AÇVA yaradıldıqdan sonra qısa müddət ərzində Bakıda iki beynəlxalq yarış keçirilib. Qadınlardan və kişilərdən ibarət cütlüklərin qazandıqları qələbələr nəticəsində reytinq cədvəllində bir neçə pillə yüksəliş olub. Bu naliyyətlərin hamısı assosiasiyanın prezidenti Cavid Qurbanovun oyunçular və Azərbaycan çimərlik voleybolu üçün yaratdığı şəraitin nəticəsində əldə olunub.
