Rusiyanın gənclər və idman naziri Vitaliy Mutko yerli mətbuata açıqlamasında ölkə futbolunun təbliğatının lazımi səviyyədə olmadığını bildirib. Sportnet.az-ın "sport-express"ə istinadən məlumatına görə, İngiltərə futbolunun təbliğatından danışan V.Mutko Premyer Liqanın yayımından 7 milyard avro gəlir əldə olunduğunu bildirib.
O, Rusiya çempionatının yayım hüququnu telekanallardan heç bir ödəniş almadan belə verə bilmədiklərini deyib: "İndi xarici futbol göstərmək istəyən kanallarla nə etmək lazımdır? Yayım hüququ Avropa valyutası ilə alınırsa, burada reklam qiymətləri rublla ödənilməlidir? İngiltərə ilə müqayisədə bunun qiyməti çox aşağı olur. Müqayisə edin, bəs gəliri hardan əldə edirsiniz?".
İngiltərə futbolunun yetərincə məşhur olduğunu söyləyən nazir Premyer Liqanın populyarlıq qazandığını və öz məhsullarından yaxşı pul gəliri olduğunu da qeyd edib: "Biz son zamanlar futbolla deyil, onun ətrafında yaranan qalmaqallarla məşğul oluruq".
