Voleybolçu qadınlar arasında Azərbaycan Super Liqasının mükafatçıları müəyyənləşib. Sportnet.az-ın məlumatına görə, finalda "Lokomotiv"i ardıcıl iki dəfə yenən "Rabitə" 8 qat ölkə çempionu olub.
İlk görüşdə olduğu kimi, bu dəfə də "dəmiryolçular" 3:1 (22:25, 25:20, 25:16, 25:13) hesabı ilə məğlub edilib.
3-cü yer uğrunda görüşdə "Azərreyl"i yenə 3:0 (25:21, 31:29, 25:18) hesabı ilə üstələyən "Azəryol" isə bürünc medala sahib olub. Bu, "Azəryol"un tarixində ilk "bürünc" olub.
