Martın 15-26-da Rumıniyada - Eforie Nordda kişilər arasında keçiriləcək Avropa çempionatında Azərbaycan şahmatçıları da qeydiyyatdan keçib.
Sportnet.az xəbər verir ki, yarışda Riad Səmədov, Vüqar Manafov, Şiroğlan Talıbov, Xaqan Əhməd, Elmar Atakişiyev, Şahin Vəliyev, Süleyman Süleymanlı və Ümid Aslanov da çıxış edəcək.
Aparıcı şahmatçıların bir müddət sonra iştirakla bağlı müraciət edəcəkləri gözlənilir.
Hazırda Avropa çempionatına qatılacaq şahmatçıların sayı 271-ə çatıb.
Turnirin reytinq favoriti Boqdan-Daniel Deakdır (Rumıniya).
