Azərbaycan şahmatçısı Teymur Rəcəbov Çempionlar Turunun "Opera Euro Rapid" adlanan üçüncü mərhələsinin 1/4 finalında növbəti görüşlərini keçirib.
Sportnet.az-ın məlumatına görə, 34 yaşlı qrossmeyster bu raundun ikinci yarış günündə Niderlandı təmsil edən Aniş Giri ilə daha 6 dəfə üz-üzə gəlib.
Tərəflər arasında ilk 4 qarşılaşma heç-heçə yekunlaşıb - 2:2. Yarımfinala vəsiqə qazanan şahmatçı tay-breykdə bəlli olub. Burada rəqibinə 1,5:0,5 hesabı ilə qalib gələn Rəcəbov növbəti mərhələyə adlayıb.
Şahmatçılar arasında ilk gündə baş tutan görüşlər 2:2 hesabı ilə baş açatmışdı.
Qeyd edək ki, Teymur Rəcəbov yarımfinalda ABŞ təmsilçisi Uesli So ilə qarşılaşacaq. Bu raundun digər görüşündə norveçli Maqnus Karlsenlə fransalı Maksim Vaşye-Laqrav üz-üzə gələcək. Yarımfinal matçları 11-12 fevralda olacaq.
-----------------------------------------------------------
Azərbaycan şahmatçısı Teymur Rəcəbov Çempionlar Turunun "Opera Euro Rapid" adlanan üçüncü mərhələsinin 1/4 finalında növbəti görüşlərini keçirəcək.
Sportnet.az-ın məlumatına görə, 34 yaşlı qrossmeyster bu raundun ikinci yarış günündə Niderlandı təmsil edən Aniş Giri ilə ən azı daha 4 dəfə üz-üzə gələcək.
Tərəflər arasında ilk günün 4 qarşılaşması heç-heçə yekunlaşıb - 2:2. İlk 2 partiyada şahmatçılar xalları yarı bölüblər. Üçüncü partiyada Rəcəbov qələbə qazansa da, dördüncü sınağında məğlub olub. Bugünkü 4 oyunda da qalib müəyyənləşməsə, yarımfinala vəsiqə qazanan şahmatçı tay-breykdə bəlli olacaq.
Qeyd edək ki, Aniş Giri seçmə mərhələni 9,5 xalla 2-ci, Teymur Rəcəbov 8 xalla 7-ci pillədə başa vurub.
"Opera Euro Rapid"
1/4 final
Aniş Giri (Niderland) - Teymur Rəcəbov (AZƏRBAYCAN) - 2:2 (tay-breykdə 0,5:1,5)
Maqnus Karlsen (Norveç) - Daniil Dubov (Rusiya) - 0,5:2,5 (tay-breykdə 2:1)
Uesli So (ABŞ) - Yan Kşiştof Duda (Polşa) - 2:0
Levon Aronyan (Ermənistan) - Maksim Vaşye-Laqrav (Fransa) - 2:2
1/4 finalın ilk oyun günündə qeydə alınan nəticələr
Aniş Giri (Niderland) - Teymur Rəcəbov (AZƏRBAYCAN) - 2:2
Maqnus Karlsen (Norveç) - Daniil Dubov (Rusiya) - 2,5:0:5
Uesli So (ABŞ) - Yan Kşiştof Duda (Polşa) - 2,5:1,5
Levon Aronyan (Ermənistan) - Maksim Vaşye-Laqrav (Fransa) - 1,5:2,5
