Azərbaycan şahmatçısı Azər Mirzəyev İranın Rəşt şəhərində keçirilmiş 13-cü beynəlxalq "Xəzər Open” festivalında bürünc medal qazanıb. Sportnet.az-ın məlumatına görə, 15 ölkədən 321 zəka sahibinin mübarizə apardığı festivalda A.Mirzəyev ölkənin 60 təmsilçisi arasında ən yüksək nəticəni göstərib.
O, 7 xalla turnirin mükafatçısı olub. Turnirin qalibi adına isə aktivinə 8 xal yazan polşalı Yatsek Stopa layiq görülüb.
Qeyd edək ki, İsveçrə sistemi üzrə keçirilmiş yarış 9 turdan ibarət olub.
